南瓜炆黑毛豬排骨

June 11, 2016, Saturday

每次大埔走粉日, 都會順路去大埔墟街市入的貨, 其中包括黑毛豬豬扒, 排骨, 梅頭粒.

買咗返嚟, 咁就即刻食一款先啦.

晚餐就用南瓜嚟炆排骨.   呢個餸又真係好易, 只不過將的排骨用豉油豆粉糖醃好.  用蒜頭豆豉起鑊爆炒的排骨, 到的排朋差唔多熟, 放埋的南瓜加的水一齊炆.   因為的黑毛豬排骨肉質靚, 無需炆好耐, 的用唔會韌, 炆起好好味呀!

今餐仲有炒韮菜花

炒蛋

麻醬青瓜手撕雞

蕃茄紅蘿蔔粟米煲雞湯

呢一餐四餸一湯, 雖然簡單, 但都好豐富吖.