揸著嚟食的蛋牛飯

Jun 13, 2016, Monday

五號屋真係好鍾意試新野.

一早見到免費報紙呢張頭版廣告, 咁啱麻煩鬼又行入我office....咁我問佢, 今日下午不如試吓呢個"飯"tastic啦.....佢依依呀呀, 漢堡包有咩好食....一陣先算啦....咁就行咗去.

哼哼....結果!

kakakaka, 佢又咪依依呀呀完又陪我嚟食漢堡包,

而我就要咗呢個肉醬蛋牛飯tastic

麻煩鬼唔食牛, 佢要咗雞腿包套餐

見到時好開心, 拎出嚟時天興奮....

不過一咬落去, 興奮嘅感覺即刻由好高跌到好低....唔好味嘅!  好似揸著嚟食嘅蛋牛飯, 但味道又唔係好好喎!  完全一的食漢堡包嘅感覺都無....

呢個味道唔like呀!  的肉醬味道怪怪.  其實上次食黑白漢堡都中過一次招啦.

會唔會再食?   係一定唔會.    雙層芝士牛肉漢堡好食好多.   

未試過嘅朋友, 真係要諗清楚係咪要試揸著食嘅蛋牛飯先好買嚟食.

跟著吓吓張單, 麻煩鬼嘅雞腿包套餐都只係HK$28, 但我嘅蛋牛飯tastic就要HK$36.   好味貴的無所謂, 但唔好味就覺得唔抵.... 人地寫明蛋牛飯tastic, 係我唔鍾意的味道啫.

抬頭甩到張大字布....尖東廣場麥當勞餐廳6月25日光榮結業.....咁今日就當係餞別啦.

尖東廣場唔知係重建定全棟改解, 所有商鋪都要結業, 包括鴻桃酒家, 古官韓國料理, 中國銀行都搬走埋.  現在只剩下華聲酒家, 睇嚟做到約滿都要搬走啦.