再嚟二泰妹

Jun 15, 2016, Wednesday

今日Cindy放假, 放工返到去好趕, 晚餐唔煮出去食.    問二公子型爸想食咩, 型爸話二泰妹啦.

哈哈, 上星期先去韶, 今日又去, 一定有原因嘅.

今日二公子休假, 同埋佢女朋友, 我地一行四人食晚飯.

開車嚟時, 我問型爸點解又要去食二泰妹, 佢話因為上次見到人食咖哩麵包蟹, 好想食, 所以咪要再嚟囉.

知道佢想食咩, 當佢去泊車時, 我都合要叫咩野啦....

要咗一客四人海鮮餐, HK$538, 加埋個包就HK$588.  個餐只有四個餸, 但侍應話一家夠四位食.

 
首先上呢碟泰式生蝦


跟著係粉絲什菜煲

呢個就係型爸想食嘅咖喱麵包蟹.....好大個包呀!  咁影出嚟唔覺有幾大.

但一拼埋個什菜煲就知個包有幾大, 唔怪得之俄應話一家夠四位食啦.

跟著仲有一條明爐烏頭

呢間二泰妹真係攪笑, 一個四人餐只有兩杯飲品可以特價.   型爸好高興, 要枝象啤啤啤佢.

食完每人一年椰汁糕.  

埋單HK$638, 唔使加一

哈哈, 今次四個人食仲抵的, 上次我同型爸兩兩個人都食咗HK$366.