松坂日本料理

Jun 16, 2016, Thursday

五號屋有好多好朋友好親戚, 常常幫我忙.   不單幫我用員工價訂家庭電器, 今次麻煩佢幫我訂汽車攝錄機, 買咗仲送出嚟比我, 真的非常感激.    好難得佢嚟尖沙咀, 一於請佢食午飯.

問佢想食咩, 飲茶好唔好, 佢話飲茶肥膩又嘥時間, 去日本餐廳.   啱聽, 去就近松坂啦.

唔知點解今日咁好生意, 未到一點去到, 都已經要等位.  原來佢地今日有好幾檯大group, 有人埋咗單, 下一張到我地.

朋友到要吉列豬扒拉麵

我唔想要吉列豬扒, 要了咖哩豬扒橋麥麵....哈哈, 點知送到嚟都係吉列豬扒, 的咖哩原本係夜落的湯

跟麵餐每人三件壽司

前菜蟹籽沙律最遲先送到.

食完每人一份雪糕做甜品.   埋單HK$135.

一小時真快過, 好耐無見, 有說不完的話題....下次再約.