韓流村韓國菜

November 4, 2016, Friday

二公子今天放假, 下午約去睇戲, 哈哈, 型爸係自由人就梗係得啦, 我就要乖乖坐喺寫字樓.
唔一齊睇戲, 都可以一齊食晚飯.

出開尖沙咀, 型爸話食韓燒.....

我地又去韓流村.   上次嚟都已經係幾個月前.

四個人, 我都要了一個二人餐

另外要了一客醬油蟹, HK$298

仲有辣芝士牛肉, HK$288

其實我覺得太多了, 上次都只係要了一份二人餐加一樣就已經好夠了, 不過型爸想叫就由得佢啦.

呢道嘅四小碟前菜

醬油蟹先到

配六個紫菜飯團

將飯團浸入的醬油蟹汁又幾好味嗰.  呢道嘅醬油蟹嘅味道唔鹹, 都幾好.

套餐包兩礶飲品, 佢地要了桃汁

 

型爸要了Apple Sider, 我地share嚟飲得啦.  呢枝野幾貴, HK$78.

辣芝士牛肉到了, 一的都唔辣...正如我所料, 食完呢碟已經好飽, 剩番少少都唔敢再食, 如果唔係跟著的燒肉就食唔落.

好彩的肉份量唔多, 呢的係牛小排

跟著仲有水冷麵

又幾好味喎.

跟著仲有雞肉, 豬腩肉....

好夠啦, 燒到後尾都唔想食.

埋單HK$1,378, 下次要二人餐, 真係只可加一樣野, 唔係四個人都食唔哂.