2017 Bangkok Trip - Day 1

December 8th, 2017, Friday

好多人去旅行, 都鍾意早機去晚機返, 但我同型爸就唔想咁辛苦, 通常都係午機去, 下午四午點幾就返.

但今次Akiramay幫我地搵咗搵咗個價錢理想嘅 package ,要早機去晚機返, 咁早的起身就早的啦.

講到早就真係好旱呀, 7:50am機, 我地要04:00起身, 04:45出門, 05:50要刑機場, 真係好早.  咁當然就唔夠瞓啦.

check完in, 去到club lounge已經06:05, 哈哈, 有好多人, 咁即係大把人比我地早啦.

  
食番碗魚蛋粉
 
幾條腸粉, 一隻蕉, 加杯肉桂粉咖啡....夠哂.

泰航唔錯喎, 無delay, 好準時起飛

豐富早餐, 但食唔落啦.

估唔到坐早機都有好處, 平時過泰國海關, 起碼都要排45分鐘, 今日竟然排5分鐘就攪掂.

海關唔使排, 但係就要排隧買data 咭.

好彩有個自助買咭機, 可以縮短等候時間.

 

我地坐機場鐵路去Phaya Thai, 再轉BTS 去Asok, 加加埋埋行上行落, 大約都要一小時呀! 睇幅圖的 BTS站多咗好多呀!

今次都係住Terminal 21, Grand Center Point .  十二點幾去到酒店, very good, 竟然即刻有房, 仲upgrade 咗我地去 Executive floor.  正呀!

房間好寬敞, 有個small pantry, 雪櫃洗衣機微波爐都有呀!

酒店提供嘅地圖, BTS站都資料唔 update 呀!

今次全早機, 多咗半日時間, 我地決定先去Wat Pak Nam拜神

加建完成i, 呢個大堂好大呀!  呢個就係心得彿呀...祝願家人平平安安, 身體健康

拜完神, 下一站去Chi Nom

我地一出車站响天橋見到有大大個標誌"魚"...好就食魚蛋粉啦.

一行入商場就見到, 外面坐的位置頗大

實際個鋪就好妯

 魚...不同的魚蛋呀!

每人一碗什錦魚蛋炒

一枝豆漿

仲有炸蘑菇.  呢個炸蘑菇麻麻, 我唔鐘意的沙律醬呀!

埋單340BHT.

响"魚"隔離有間藥妝店, 門口有一紅一綠大泰式大公仔, 唔知有無特別意思呢. 

呢間藥妝店入面買咗好幾樣想買的東西, 價錢仲幾平, 希望下次嚟仲响道啦.

跟著我地去拜四面神, 跟著再去Big C 買野...好多中港台嘅游客都响道血拚呀.

行到好攰, 都要醫吓個肚

哈哈, 去到泰國先幫襯鼎泰豐

 

行到考攰又唔想食辣野, 求其食的啦.

 

型爸坐低先來杯啤酒

 

要咗呢款涼拌通菜, 估唔到, 咁樣整通菜又幾好味喎, 不過好細碟呀!

蒜泥白肉, 都係好細碟

肉碎拌麵, 都係細細碗

蟹粉小籠包...不過我真係食食唔到有蟹粉囉.

要咗幾樣野, 都係一般啦.

呢餐1277BHT,  大約HK$320.

 
食完行出嚟, 見到間甜品店.
 
專賣芒果

正呀!

我地叫咗一個兩份食....一人一份就真係食唔哂呢!

芒果雪糕好滑呀!  的芒果真係好甜.  凍的芒果糯米飯, 第一次食.   碗低下面全部都係芒果沙冰, 好凍呀!

食完馬上返酒店, 馬上洗澡換衫, 我地要去今晚最後一個節目,

就係泰式按摩啦.   由酒店行去, 都唔使十分鐘, 真係好方便.

今日早起, 真係好攰, 要好好享受一下.   上年嚟550 BHT一位, 今年加咗價.  不過呢道嘅價錢, 比起好多間都好平,  的按摩師都有質數.

好充實的一天!