2017年12月26日 星期二

2017 Bangkok Trip - Day 2

December 9th, 2017, Saturday

放假真好, 唔使掛著的工作, 瞓到自然醒 (都只係八點幾)

昨天攰得要命, 晚上去按摩時已經瞓著(平時按摩點都瞓唔著), 回到酒店又熟睡到天明...補充哂的energy 呀!

昨天做哂我地今次嚟泰國要做之事(去拜神呀!), 今日開始就係食, 玩, 買, 按摩...正呀!   沒有指定去邊道食, 去到邊就食到邊啦.  咁當然有指定去的地方, 就係翟道翟.

Upgrade 咗上Exeutive Floor, 食早餐都係响 Club Lounge嘅餐廳

呢個餐廳都好大, 人唔多, 比五樓餐廳靜好多.



食物種類很多, 相信同五樓餐廳無咩分別

型爸先拿了熱燻, 唔啱我.  不過試咗一啖個奄列, 的蛋炒得好滑喎.

仲有個corner 有泰式河粉, 湯飯

今日係豬什湯河, 的河粉捲埋, 都幾得意, 得幾條粉, 少少地試吓, 又幾好味喎!

 
 呢道有個整Pancake 機, 兩分鐘就整好.  香港機場40號閘口個lounge都有一個, 不過當時要排隊, 唔試啦.  呢道唔使排隊, 即試

每次整有兩埋, 個樣唔靚, 但食落都好鬆軟.

呢道嘅即磨咖啡, 味道偏酸, 加咗奶就好的

豆漿, 竟然預備了黑芝麻粉, 薏米, 紅腰豆, 椰果....好貼心呀.....整番碗先

食完早餐, 唔使咁心急出去, 先去hea 吓, 游吓水先啦.


好喜歡呢個在七樓的outdoor swimming pool.  其實大部份時間都係在曬太陽, 曬都咁上下先游水, 游完上水凍凍地又曬太陽....爽呀!

差唔多十二點, 上房間梳洗一下, 下午先出發去翟道翟.    翟道翟唔使咁早去, 行唔到咁多個鐘呀, 攰死咩.   由Aoke 坐BTS 去Mochi 大約要半小時.   明年再來時, 坐MRT去翟道翟可能仲快的.

去到翟道翟, 第一時間食碗魚蛋粉先.  真好笑, 唔比叫雙拼或什錦.  咁我地一個叫肉丸, 一個叫魚蛋, 咁自己自製雙拼咪得囉.

食完見到有新鮮整嘅芒果糯米飯, 50BHT, 又買一份試吓....的芒果好甜呀...好味.

行吓買吓, 好攰又整個椰子雪糕....要60BHT一個, 貴咗好多喎.   哈哈, 咁都要食架.

今年無咩大收獲, 買咗的衣物飾物, 總算無白行.

嚟咗咁多年, 都唔會好似以前咁咩都買, 現在好審慎, 唔想買到滿屋都係.

晚餐我地去咗 Madam Saranair 食泰菜, 呢道可以叫叫Big Mama西式都得

型爸就一定啤酒

咦, 點解有麵包嘅....


可能係我地叫咗Big Mama一客芝士波.   呢個芝士波味道比較淡...都ok嘅.

泰式要了蒜蓉通菜

泰式生蝦

炸海鮮什錦

隨便叫幾樣, 唔好食咁飽, 一陣仲要去按摩.

真係無諗過冬蔭公石班湯會咁辣, 真係飲唔到.

食完送咗杯什飲, 係passion fruit juicy 加了 Vodka, 味道麻麻

呢餐經濟, 大約港幣三百元.   不過下次都唔想嚟, 呢道的招呼麻麻, 食物又非常一舨, 好多地方的泰菜都好食過佢.

我地嚟係因為呢道近 Health Land.

我地早食完, 早的去Health Land 睇吓可唔可以早的按.....哈哈, 星期六唔使諗全滿, 如果唔係我地响香港已預早book 咗, walk in 一定無位.

今日行到咁攰, 呢個節目就最啱啦.    按完都只係十一點, 行番酒店啱啱好啦.

沒有留言:

張貼留言