2017 Bangkok Trip - Day 3

December 10th, 2017, Sunday

今日無特別行程, 都係隨意食買玩.

晨早起來先去食早飺, 落到去Facilty 樓層, 隔著玻璃望出去, 天氣唔錯,  食完早餐自去曬太陽

又係Executive Floor club lounge

今日泰式粉麵檔係魚蛋粉....正, 一陣唔使出去食.

呢度嘅法包唔錯, 烘脆塗的牛油, 好味呀!

呢度有薑茶(即係做完Spa, 按完摩飲嗰的.

 

今日响呢度叫芒果糯米飯, 哈哈, 一陣又唔使出面賣嚟食....食少少生果, 又攪掂一餐

出到去泳池, 今日瞓另外一邊,有不同景觀.   响泳池hea咗個幾兩個鐘先返上房梳洗.   今日主力行Terminal 21, 一的都唔急.

去到Terminal21, 先去地庫搵食醫肚

咦, 開咗間一風堂....就呢間啦.

呢的跟足日本, 大把蒜頭, 鐘意就自己加啦.

我同型爸都要了同一款, 赤丸新味, Standard size 得啦, 一陣可能仲有其他野食.  220BHT

呢杯綠茶要50BHT, 下次一定唔叫.

碗麵唔錯喎, 湯底都ok, 正.

 
 食完碗麵出嚟, 即刻見到呢款芝士多士....我要試呀!

 
  
 睇吓電視介紹, 的芝士可以拉到好長.

  
 一叫店長即做.

  
 煎好啦.

型爸即場示範....真係可以拉得好長架, 69BHT, 又幾抵食

行哂 Terminal 21都只係四咗少少野, 跟著又去行supermarket

我想買的炸蒜蓉, 嘩, 咁細包要40BHT, 唔買啦.

拎的野返酒店, 順便問吓附近有無街市

呢幾日行過都都無影呢棵好大的聖誕樹, 足有三層樓咁高

問咗酒店職員, 我地只要搭MRT去一站, 嗰道有一個好大的街市, 佢話一家有我地想要嘅野

返嚟認番Aoke exit 3 就得.

我地坐一個站去到Queenie Sirikit,大約行6-7 分鐘, 上天橋行番落去就係.  呢個街市叫 Klongtoey Market.   其實下一個MRT站 就係叫 Klong Toei, 千祁唔好响呢個站落, 行好遠架.

街市就梗係有好多野賣啦....當然買到我想要嘅野啦.  大大包都只係50BHT (我响另外一間買60BHT, 買貴咗添), 加咗乾蔥頭嘅就70BHT, 又買兩包, 超滿意呀!   第日本椒鹽豬扒就超易啦.
呢個街市, 下次一家嚟.   呢道有好多香料賣, 第日唔使去超市買呀!

頭先嚟時都無留意, 行過嚟條天橋好多小檔賣舊野, 好似深水埗鴨療街呀!

跟著返MRT搭一個站返Asoke,  我地晚餐就响Terminal 21, 4 樓一間泰菜館.

呢間菜館就叫  KinKao Fresh from the Sea

型爸又係飲啤酒, 我就飲椰青

呢道有的Chef Recommendations, 都係的大路野啦.

Fresh from the sea, 即係食海鮮啦.

呢款係椰汁咖哩蟹肉配米炒, 仲有配新鮮蔬菜....幾好味..... 但真係估唔到, 好辣.   做咩鬼, 平時都食得吓辣, 但呢兩日食唔到.

頭先响街市見到的燒魚好想食但型爸唔比我買嚟食.   咁嚟呢的就叫一條炸石班啦.

又要了泰式生蝦.   呢道的蝦大隻又爽好多,  比起昨晚响 Madam Saranair, 呢道的質量好好多.

型爸要了一隻蟹, 呢隻己經係最大, (另外一隻大的比人叫咗). 呢隻蟹720BHT.  侍應提譏整咖哩蟹, 但型爸堅持要清蒸, 佢話咁先食到隻蟹嘅鮮味.   咁隻蟹又幾鮮味, 的肉仲好爽甜, 唔會霉呀!

要咗一客甜品.  都唔知係咩嚟架, 好似係小米, 煮到好綿加了椰汁, 又幾好味喎.

呢餐2,420BHT, 大約HK$600.  我地覺得抵喎.

食完行出去, 見到有北海道芝士撻.

即刻買一個試吓先.  嘩, 鬆脆好味, 芝士味好濃.    明又走前買一打拎返去比二公子食先.

晚上睇, 呢棵聖誕樹亮咗燈....靚好多呀!

食完飯返拎的戰利品返酒店...仲可以梳洗完先去按摩.....

今晚最後一個節目....哈哈, 嚟泰國四天, 四天我地都要按摩架!