2017 Bangkok Trip - Day 4

December 11th, 2017, Monday

眨咚眼就到第四日,  因為傍晚機嘅關係, 今日都仲可以按摩飲飲食食呀!

咁食早餐先啦

一早都要食芒果糯米飯.

都有呎夠時間去曬太陽游水

跟著上房梳洗, 執好哂的野就check out, 留低的行理响酒店, 我地就去 Health land 按摩.

按完摩都只係一點半, 我地去Terminal 21再搵食.

行咗一圈, 型爸選咗呢間

叫 Mo-Mo-Paradise,  Shabu-shabu...即係日式火鍋

睇落的用料好正喎!  每位560 BHT

仲 All you can eat.....點攪呀!

3仲包埋汽水飲品同甜品添

要了鴛鴦鍋底

蔬菜類可以自己出去攞

 

的菜同菇好新鮮, 嗰的豆腐係魚腐嚟架.

有澳洲牛, 美國牛, 日本豚肉, 仲有鴨肉....唔夠, 隨時再叫.   的拉麵都好好味呀!

呢的係免治雞肉嚟架!

汽水都係自助

真係幾好味喎.

呢嚿係年糕嚟架.

甜品係紅豆大福.....

百幾文港幣一位, 又食到過哂量呀!


食完仲記得去買芝士撻....仲有另外一款杏仁朱古力撻

結果買了十個芝士撻, 兩個芝士撻.  包裝非常好, 一定唔會爛呀!

今次改坐MRT去機場

我地只要坐一個站去 Phetchaburi, 再轉Airport Link 去機場.

唔好坐錯方向呀!  去街市就去Hua Lamphong, 去機場就要去 Tao Poon 方向.

去到Phetchaburi, 轉Makkasan 站去機場.   上上落落等吓車, 都差唔多要一小時.  不過有一個好處, 坐MRT 唔係托行理, 因為上落都有電梯.   唔似BTS, 上有電梯, 但落就要行樓梯

飛機晚餐, 魚配薯蓉, 味道都ok呀!

晚些十點幾到香港, 真係早機去晚機返, 呢幾日用到盡呀!

返到香港寧舍開心....歸心似箭, 掛著兩隻寶貝.

本來明天都係休息, 但明天突然要返去開會....唉, 無得休息多一日添.