泰潮- 粉錦公路八鄉段

November 21, 2017, Tuesday

今日放假約咗朋友食lunch, 佢地問我地去邊道食好, 我地住新界, 咁唔出市區咁遠啦.  諗吓諗吓, 不如去呢間啦,   開車經過好多次, 今日就去試吓.

呢間泰潮响粉錦公路, 開咗幾個月,

附近環境一般, 近八鄉橫台山.   第一次由上水方向過嚟, miss 咗一次見唔到, 要去迥旋處掉頭由荃錦入行對面線,   咁又好易睇到喎.  其實又唔難搵嘅.

在門口泊車, 入到去, 見到架Tuk Tuk,

餐廳入面都唔係太多人, 只有幾檯客.  搭出嚟嘅玻璃房間都算大.  戶外有大型吹氣小朋友遊戲池, 今日係week day, 個遊戲池放咗氣.   佢地話星期六日或假期先會setup.  

睇佢地餐牌, 假日以自助餐為主, 大約三百文一位

佢地唔知邊一間分店入咗米芝蓮呢!

午市就簡簡單單...

食份午餐...好抵呀, 包一包紙包飲品, 每份HK$50

仲有個例湯

我地四個人, 要四份餐share 嚟食.

咖哩牛腩飯

滷水豬脾飯, 即係去骨豬手飯

炒金邊粉

仲有一客去骨海南雞飯.

咦, 樣樣都算ok喎.  我地都只係要紙包飲品, 無加錢要特飲或椰青, 唔使加一, 二百文攪掂.

我地見的野食都ok, 跟著星期六下午再去一次

今日見到遊戲池己充氣, 好多附近小朋友去玩.

今次我要了一碗什錦金邊粉

型爸要了蠔仔湯飯.

食物都ok啦,  打包咗一客無骨海南雞飯給二公子.   啱哂佢, 佢唔鍾意有骨呀!   都係每客HK$50.

不過晚餐就無咁平, 我見餐牌的價錢, 比起出面的泰國餐廳, 價錢就貴的.