海洋星食坊 - 觀塘駱駝漆大廈

November 20, 2017, Monday

呢兩日放假, 可以處理吓私人事務.

一早同型爸出去觀塘辦的事, 諗著好快就得, 點知唔得, 要下午再攪, 咁就响附近搵食..

去咗駱駝漆大廈行一轉, 由七樓行到落去, 睇吓有咩野賣, 順便睇吓有咩啱食.

都唔記得行到四樓定三樓, 見到呢間食坊, 入面有的坐位仲有吧檯, 唔似正式餐廳.  跟著有見到有凍櫃, 入面賣牛扒.....

哦...原來比人賣蠔, 可以即食.

的餐檯都比較簡陋, 上面鋪咗張印著海洋星的膠檯布

牆上有今日午餐餐牌, 價錢都好經濟.   不過呢的我地唔啱呀!  我地見到有牛扒食...

我地一坐低, 阿廚師兼侍應小姐(我諗佢係老闊啩)都問我地食唔食扒,  食, 梗係食啦.   HK$99 一份澳洲M4 牛扒, 梗係食啦..

呢一份係前菜

飲品呂係奶茶咖啡, 呢杯係薏米水

呢份係型爸的

呢係係我的, 真係幾大塊喎.

我地要的 medium rare, 廚師小姐做到呀!  肉質好腍, 雖然牛味唔係太濃, 都已經好滿意啦.

未食之前, 我地去凍櫃睇過, 一塊未煮的M4 和牛要一百四十幾....

哈哈, 呢份特價午餐, 好抵食呀!