今日嗰餐晚, 真係好唔掂, 型爸同二公子都唔出聲, 睇佢地嘅行為就知啦.
食完飯已經叫我整小食, 無問題啦, 九點半先食. 但係食完飯無半個鐘, 型爸已經話要食雪糕涼粉, 佢唔使我整, 兩仔爺自己整嚟食. 我個雪櫃隨時都有一兩礶涼粉, 好易啫, 等佢兩個攪掂啦. 佢地問我食唔食, 我唔食啦, 我要食中藥, 唔食生冷野. 咁我問佢地我仲使唔使整Beef Nacho呀! 佢兩仔爺二口同聲, 梗係要啦!
佢兩個咁高興整就整啦.
今次用咗呢一款片裝嘅Cheddar Cheese
牛肉剁碎炒熟, 再撈入墨西哥Salsa 醬
屋企只有呢款Nacho. 唯有用佢啦. 其實用原味(即無味)會好的. 的Salsa醬有鹹味, 再加上芝士又有鹹味, 食落會覺得鹹的. 配原味會好的. 但只有這一包, 照用啦.
唉吔, 呢包Nacho好碎喎... 都唔緊要, 將的大塊小小揀起放落錫紙面排好. 加上牛肉碎.
再在上面加上芝士
而好碎嗰的就放落焗碟, 再在上面加上牛肉碎同芝士
預熱焗爐180c
放入去焗大約7-8分鐘, 視乎爐溫而定. 要睇實, 等的芝士溶哂就差唔多, 太耐的Nacho會燶.
好快就焗好啦.
未食睇見到都覺得好味, 但我唔敢食咁多啦.
佢地飲汽水梳打水, 我唔想飲有汽飲品. 我飲蘆薈小麥草啦.
一路食Beef Nacho, 一路睇電視大結焗, 哈哈, 一家人坐埋一齊, 梗係開心啦.
沒有留言:
張貼留言