藥係唔可以亂食架!

2012年4月5日下午2:22公開累積瀏覽 134 2

April 2, 2012, Monday

先兩日飲咗醫師開嘅清燥湯, 又胃痛又肚瀉, 真係唔係好掂喎! 但諗吓醫師無理由會整劑咁嘅我嘆架!

我星期四晚飲第一劑, 當晚飲完胃有的脤, 因為碗藥都幾大碗, 個肚係有的咕咕咕, 但當晚都無咩事吖.  第二朝, Ruby幫我翻煲一次, 比我帶返公司飲, 飲完就開始唔多妥.  晚上Ruby又再煲過一劑, 當晚就辛苦啦, 半夜都肚痾.  跟著星期六早上Ruby又幫我翻煲一次.  嗰朝個胃又唔妥.   即刻當晚叫Ruby停咗唔好再煲.  一停咗唔飲的藥, 個胃就無事啦.

到星期日晚上, 再叫Ruby煲, 飲咗當時個胃有的脹, 個肚又係有的咕咕咕(好似第一天飲嘅情況), 當晚無肚瀉無事喎.   叫Ruby第二朝唔好翻煲啦.

諗吓諗吓, 醫師好似無叫我翻煲喎.  只不過係以前的醫師, 好多時都叫我翻煲, 我就理所當然翻煲一次.   我諗就算可以翻煲一次, 但都唔可以一日飲兩劑, 我兩日之內飲咗四劑, 可能藥力太強, 我頂唔著呀!

好彩我諗通咋, 星期六日無打比醫師, 唔係比佢鬧都有份.

唉! 藥真係唔可以亂食, 好彩兩日者, 唔係就真係搵自己嚟攪啦.

嘻嘻, 衰咗就算啦, 而家無事咪好囉.  不過我係會保守秘密, 唔會話比醫師知架! Kakakaka....