上到去坐低, 二公子話, 嗰個小朋友咁似陶陶嘅, 睇真, 真係陶陶嚟架. 陶爸,陶媽, 陶妹, 陶公, 陶婆, 陶爺, 陶麻, 連工人姐姐, 全部係道, 真係齊人啦! 咁啱都有嘅. 佢地叫我地坐低一齊食, 梗係唔好啦. 邊好意思呀!
睇吓的menu先, 原來呢間係聯邦酒樓集團旗下一間食肆.
有的唔同嘅套餐, 都算抵食喎
仲有其他小菜, 潮州同客家餸菜, 咁下次想打冷, 嚟呢道咪得囉. 價錢比嗰間華記貴少少, 但係地方好好多...不過最緊要係好食.
原來型爸就係講呢款烤魚鍋, 吓潮爆, 真係咁潮? 啊, 剛剛見到陶爸佢地叫咗一鍋, 好似有酸菜, 不過唔辣嘅.
我地叫咗個客家炸豬大腸, 都ok喎
魚湯浸翡翠苗, 個魚湯好清, 好味但一的都唔鹹
我地叫咗一個辣烤魚鍋, 想叫小邊(hk$98), 佢地話全部賣哂, 只剩吓一個大邊(hk$118). 全魚都無啦(hk$198. 其實只得我同型爸食, 的鯇魚有骨, 二公子一定唔like.
不過無小邊, 大邊都要啦. 初時驚佢太辣, 叫咗小辣, 點知嚟到唔夠辣, 後來要佢地加辣. 佢地都係攞的辣椒油比我地加落去.
呢個烤魚鍋係咁樣架, 整個都係用不鏽鋼製造, 上面一個長方型盤放在架上, 下面放咗兩個酒精礶, 點著火後, 可以煮滾的魚湯. 烤魚, 應該係指用呢兩個點著了的酒精烤熱已經煮熟了的魚同湯.
另外叫咗一碟肥牛(hk$28)同手打魚蛋(hk$35) 哈哈, 的魚蛋仲貴過的牛肉., 二公子對呢兩樣有興趣的, 呢的可以加落個魚鍋滾熱嚟食, 因為的酒精礶火力細同慢, 所以呢的配料全部都係已經煮熟.
二公子話唔夠飽, 所以叫多一個石燒香飯
呢的飯, 似福建炒飯煮好放咗落個熱嘅石頭鍋入面.
其實唔叫呢個飯就啱啱好, 加咗呢個飯就太飽啦. 二公子食咗兩啖魚咋, 我同型爸要食哂呢份大邊呀!
埋單hk$471, 我地叫咗咁多野, 都唔算貴.
食完要走啦, 返屋企仲要開工呀! 出嚟食飯之前, 叫咗Ruby落咗粉落麵包機, 而家返到去, 個粉團應該得啦.
食完要走啦, 返屋企仲要開工呀! 出嚟食飯之前, 叫咗Ruby落咗粉落麵包機, 而家返到去, 個粉團應該得啦.
沒有留言:
張貼留言