今日非常忙碌. 早上九時許便出門, 先去接大家姊姊夫, 再去接三家姊姊夫, 然後會合二哥二嫂, 五哥五嫂去掃墓. 今次故意咁遲去拜山, 最主要等埋三家姊姊夫由加拿大返嚟. 遲去最大嘅好處係唔使咁迫人及大煙, 無封路, 我地又泊到車. 一切順利, 好快就攪掂.
攪掂哂就一齊去美林同媽媽飲茶, 今次去完美林飲茶, 將來應該好少機會再嚟美林飲茶, 因為下午就會幫媽媽搬屋. 媽媽實在太多野啦, 幸好家姊嫂嫂之前已經幫忙執拾好大部份, 今日埋尾搬埋的野. 晚上五哥本來叫我地去他家一齊食飯, 今日大家都咁攰, 佢家工人姐姐又啱啱放大假, 新請返嚟照顧媽媽嗰位姐姐又係第一日上工. 仲有咁多野執要執, 唔好攪阿嫂啦. 如果需要幫
手執屋的話, 我地可以明天再幫手啦.
攪咗幾個鍾, 真係身水身汗, 都係返屋企啦. 今晚屋苑又有局, 返屋企沖個涼休息吓先好的!
晚上未夠七時, 我地已經到達十六號屋. 咦! 林老闆, 林小b已經到咗, 我地都唔算早喎. 今日唔需要整什麼, 主人家全部負責. 我地都係帶咗支紅酒去做拌手禮, 諗著可以一齊飲.
今晚有的特別, 我地食越南餐呀!
見到檯面嘅薄荷業, 九層塔就已經好開心, 仲有一碟蔥碎芫茜砰.
每樣都有兩份, 勁辣辣椒, 青檸, 青瓜, 喬頭
當然唔少得呢個蒜蓉魚露汁
第一碟係呢碟青瓜蝦沙律, 除咗蝦仲有的肉, 開胃前菜
札肉粉卷, 呢隻札肉唔辣嘅, 另外仲有一碟辣嘅.
呢隻粉卷好似豬腸粉咁, 不過入面捲著的豬肉, 食時加魚露汁, 當然可以加薄荷葉&九屠塔
春卷整咗100條, 好勁呀!
自家製串燒肉丸
迷你蔗蝦, 好精緻,仲好好味添. 外面食嗰的蔗蝦好大條, 食一嚿已經唔得掂.
跟著我地就要落order叫河粉啦. 主人家即叫即整, 肥牛牛丸河.... 個湯底正到不得了, 主人家煲呢個湯煲足一天, 借咗我屋企個18 liter 煲(我呢個煲真係抵用啦), 的湯都真係好好味. 呢的大湯碗就係比的男士們嘅.
女士們嗰碗比較細的, 不過都仲係好大碗呀! 我真係連湯都唔放過, 全部飲哂.... 但係食完呢碗之後, 已經無能力再食其他野啦.
一張圓櫃加一張方檯駁埋, 我地十幾人先夠坐.
男士飲Whisky
女士飲紅酒, 我就帶咗右手面嗰支葡國酒Esporao, 屋企無哂貨啦, 下次去澳門要入的貸返嚟. 不過今日女士無咩點飲酒, 都係得我同Mrs Kua飲, 一支夠哂啦.
飯後就飲返杯茶啦.
飯後生果, 無核提子加哈蜜瓜
最後仲有精彩甜品, 三色冰呀! 入面有綠豆蓉, 幾種顏色唔同嘅大菜條.... 加咗椰汁好香, 甜味啱啱好, 食完一碗又想添.... 添咗又要慢慢食....因為好飽!
實在太豐富, 食完條腰都直哂.... 晚飯後, 我地幾個部屋要出去散步一吓...
食得太多啦, 頂著個胃, 林老闆話返去沖壺靚普洱消吓滯...入去林老闆屋企又飲杯茶, 的普洱真係好香好滑呀! 飲咗兩杯唔敢飲啦, 上次飲咗濃茶, 瞓唔著呀!
點知當晚真係瞓唔著, 攪到三四點先瞓, 瞓得非常之唔好... 下次都係唔好咁夜飲茶啦, 試過幾次都瞓得唔好, 第二日好辛苦....要戒耍戒.
沒有留言:
張貼留言