羅漢果水

2012年9月20日下午3:04公開累積瀏覽 1470 2

September 15, 2012, Saturday Night

當煮完飯清潔完廚房, 正想坐低休息一吓.   型爸突然間講...媽咪, 好似好耐無煲羅漢果水飲路喎(其實啱啱飲完羅漢果湯之麻, 唔知係咪咁樣挑起佢條筋呢?).... 羅漢果水...得, 無難度, 即煲.  晚上煲都好, 可以連夜放涼, 明早入雪櫃.

即刻走去攞兩個羅漢果出嚟.

用個大煲, 加5公升水, 將兩個羅漢果撕開兩邊, 連凍水一齊煲.

煲滾後轉中小火煲20-30分鐘

煲起後顏色好深, 飲落去味道清甜.  跟著由得佢連煲放涼.

凍咗之後就入樽.

有4樽半.  1樽800ml, 4樽即係3200 + 400 = 3,600 ml.  我落咗5公升水， 即係無咗30%, 所以味道都幾濃。

哈哈，一樽樽又係可以拎去賣呀！


的羅漢果芯乾嗰時好鬼醜樣。估唔到煲完又變番靚仔。

呢的羅漢果水就會係呢幾日我地嘅主要飲料啦。