青瓜手切肥牛捲

2012年9月20日下午12:47公開累積瀏覽 410 1

September 15, 2012, Saturday

呢排睇電視久唔久見到馮美基幫家樂牌賣廣告, 用嗰款雞汁嚟醃肉, 整金菇牛肉捲.   之前我去街市買野, 凍肉檔送咗包試用裝, 今日就試吓呢包試用裝.

以前都幾鍾意食金菇, 但係唔知點解而家覺得的金菇總係有的怪怪地嘅味, 越食越唔鍾意, 所以近來都好少買嚟整.  所以我今日都唔係整金菇牛肉捲而改用青瓜呀!


青瓜一條, 去皮切絲, 調味雞汁試用裝一包.  手切靚肥牛

 

將調味雞汁撈落的牛肉, 醃大約30分鍾

用肥牛片捲起的青瓜絲

跟著用牛油起鑊, 兩面煎就ok啦.


整起有22件呀!

呢碟餸, 我又收到3個likes呀! 原來青瓜配牛肉都好好味架.

不過講真, 唔需要落的調味雞汁, 我相信自己調味都一樣咁好味, 再加上用咗的靚嘅手切肥牛, 成一百八十幾蚊一斤, 唔使醃都好好味(好似我地平時打邊爐都無醃的牛肉啦).

不過唔想自己調味, 都可以搵呢的師傅幫吓手嘅.