2014 Bangkok Trip - Day 4

December 8, 2014, Monday

好快又到第四天， 今日要返香港呀！　四點機，仲有的時間。

酒店餐廳 Blue Spice

今日無咁多人啦。

今日唔食河粉，食碗粥算啦。

飲杯咖啡

食的生果

食完我地唔係去泳池，而係去大堂叫佢地幫我地打去Health land有無位按摩呀！　按咗兩日，Asia Herbs 同 Let's Relax都按得唔啱心水，臨走要去Health land試吓。 好野，有位，訂咗十點半...哈哈，　晨早就去按摩。


今日唔去游水，　再望吓個泳池都好.

由酒店行去Health Land, 大約十分鐘

呢道show嘅價錢牌，全都係香薰按摩，但係我要按泰式呀！原來好抵，只係500Baht一位。

呢道都幾舒服架，等咗一陣就上房。

卒之如我所願，今日個個都話按得好。　咁下次早的預訂，嚟呢道好過啦。又平又按得好。

按完返酒店時見到間小店，諗著食碗粉啦...點知原來係食小炒.

型爸話坐低就算，小炒都食啦。　點知等呀等，的野等咗好耐都未嚟，我地趕著返酒店pack埋的野出機埸呀！

炸雞卒之嚟, 炸到乾哂嘅

冬蔭公湯都嚟啦...

最後我決定唔食，自己一個先回酒店換衣服，型爸佢地就等埋其他餸

金不換炒咩我都唔知，係佢地幫我影相

仲有炒通菜

炒河粉

我地一點半先check out, 一點九坐BTS　出機場.

去到機場線等車時又等咗好耐。

去到機場差唔多三點...哈哈，真係有的緊張呀！一切順利，仲有時間去dutyfree 買酒，但就無時間幫二公子退稅呀！

三點二十分開始boarding，我地15:20到閘口，啱啱先開始上機，時間啱啱好呀！

有的肚餓，好快就有飛機餐食。　

不過的麵嘅味道真係麻麻

嗰碟雞肉沙律鹹到死食唔落，最好味係碟甜品，好味嘅黑白糯米，上面嗰兩粒係荔枝嚟架.

七點幾返到香港...

第一時間唔係返屋企，係肚餓去食魚蛋粉呀！

去旅行最掛著係Loki呀，我地返到去，佢係咁嗚係咁跳，發哂顛咁撲上嚟錫我地，係逐個錫呀...
型爸泊車，佢第一個錫我，型爸一泊好車，佢即刻撲過去, 最後先鍚二公子呀！

今日好輕鬆，我明天都請咗假，唔使趕著執行理。