咖哩雞 - 緬甸style

December 14, 2014,  Sunday

Cindy煮過幾次咖哩雞, 每次都係我返咗工佢煮.  今晚又同林生一家一起食晚飯, 我叫佢煮咖哩雞, 睇吓的緬甸style咖哩點樣煮.

我見佢將的紅蔥頭, 薑, 蒜蓉坐部切碎

薯仔切好先走油

雞髀斬件用鹽及魚露先醃.   爆香紅蔥薑蒜蓉加咖哩粉, 再加雞

爆得咁上下, 加水.  我見佢煮到咁上下先加著仔.  直至的薯仔腍, 滾到好少水, 佢又繼而加的.



 
 煮好就係咁啦...幾好味架.

除了咖哩雞, 我用果皮薑絲蒸了龍躉腩

另外再蒜蓉蒸茄子

林太再炒了臘味炒芥蘭

仲去九龍城清真館買了牛肉餡餅, 同蔥油餅用嚟配咖哩...真豐富呀!

林老闆仲煲咗個羊肉湯

今餐又係好豐富, 咁多餸又係得五個人食.   呀, 加埋Cindy六個

今日佢地又試一枝新走, 不過佢地話呢枝太勁, 50% 唔係咁好飲.

食羊肉真係好燥, 餐後食的西瓜同菠蘿等喉嚨劍股的.   我仲燉咗川貝燉雪梨做甜品.  大定要清潤吓先得啦.