天麻川芎燉龍躉頭湯

December 13, 2014, Friday

食完魚蛋粉, 我地落番地下嗰層去買龍躉頭呀!

傻咗呀, 一次過買咗一個半.  一個頭五斤, 另半個係三斤...總供八斤, HK$64 一斤, 呢道五百元呀.   我地諗著一個要嚟燉, 另外半個要嚟打邊爐或炆.   我咁大個女都未買過咁貴嘅魚頭呀!

嗰個拳頭係型爸架, 個魚頭真係好大呀!

沿途開車返屋企, 我一路諗用咩野煲嚟燉先放得落咁大個魚頭呢.... 仲有, 一定要用明火, 我只得兩個幾鐘, 如果用蒸爐, 有排都未燉好呀!

嘻嘻, 卒之比我諗到....用康寧煲.  買咗斤半豬展, 汆水後放响煲底, 加了幾片薑. 再加入魚頭.

個魚頭太大, 我要魚檔一開六.  但有的位好難斬, 佢地斬了八件, 最後我都係放唔哂.  唔止要放料, 我仲要加滾水, 大約加了1.8-2.0 liter 水.  量過應該有10碗湯.   如果唔落呎夠水, 到時無湯飲就真係嘥料兼嘥火.

個康寧煲蓋都落唔到, 好彩我有個丁矽腸蓋可抵230度高溫, 蓋著吸實仲可全氣.

加個高鑊蓋啱啱好.

仲有兩嚿放唔落要留起呀!

燉了兩小時四十五分鐘....天麻川芎燉龍躉頭湯....超正呀!

料真係好多

真係料多過湯.  好彩量好大約有10碗, 6個人, 每人大約有碗半飲啦.

大家都覺得好好味, 有的鄰居喜歡濃的藥材味, 咁我下次落多的川芎啦.