2014年12月6日 星期六

三文魚子飯

November 23, 2014, Sunday Night

最近有一款食物在我家大熱,  一家人都非常喜歡....就係三文魚子嘞.

自從上次從日本旅行回來, 帶了急凍的北海道三文魚子, 用紫菜加熱飯加三文魚子, 超美味, 成已經成為我家其中一款大熱食物.  當時旅行社代訂,一盒500g, 盒內分兩包, 每包250g.  大約港幣HK$350.

食完上網周圍搵, 見到Ocean Three有得賣, 品牌不同, 都買一盒試吓.  食落覺得無從北海道帶回來的好味. 一盒也是500g, 但無分開包裝.  特價HK$288.


嗰日响一田見到....兩眼發光...500g HK$188...大特價...  即刻入咗4盒(好似傻咗咁)

500g一盒裝, 一次係食唔哂, 要自己分開一半. 用手套分成兩份, 一份放入雪櫃解凍.


  剩低的放回盒內繼續冷藏下次食.

香港買有食品標籤, 不個一睇真係嚇傻, 做咩 100g 有910 sodium.... (不過都唔係常食, 算啦)

當我地興高彩烈要食三文魚子飯, 二公子又話要早的食飯....差唔多食飯時我落到去, Cindy竟然唔記得煮飯(大飯桶竟然唔記得煮飯), 平時唔記得煮飯都算啦, 但食三文魚子無飯點得呀...

 
 又係要我即時用煲仔煮...好彩我有Bendes咋.


型爸喜歡呢個食法

 而二公子同我就喜歡呢個食法.  

Cindy真係失哂暈, 真係唔知好嬲定好笑, 唔記得煮飯不特止...


焗豬肩胛, 將個焗盤放上格, 將碟肉放下格放在架上....我睇睇吓, 點解個焗爐上面黑麻麻先發覺, 如果我唔發現, 天黑都無得食呀!


炒什錦就無問題, 但佢知自己做錯野, 失失慌咁


呢碟上湯雲腿浸娃娃菜佢未煮過, 咁全程係我煮.


仲有鹹蛋節瓜肉丸湯

 Cindy唔知係咪太依賴呢, 我返工佢自己煮好地地, 我放假响屋企佢就失哂魂. 

二公子趕著食完飯返夜班, 唔係我快手快腳, 二公子差的無飯食呀!

沒有留言:

張貼留言