2014年12月25日 星期四

煲仔飯+ 羊腩煲

December 13, 2014, Saturday

啱啱燉落湯, 我就要整煲仔飯啦.

 
 呢排最熱門都係煲臘味排骨煲仔飯, 的鴛鴦臘腸係八號部屋贊助

 
 對於煲煲仔飯, 真係駕輕就熟....哈哈, 不過太過自信, 今日有的燶底呀!

而林老整咗一大煲羊腩,  嘩嘩嘩, 林老闆買咗十斤新鮮羊腩, 成二千文呀!  佢煮咗兩煲, 一煲比佢媽媽, 一煲拎嚟一齊食.

先落的蔥蒜...好香呀!

靚生菜


仲有呢款好特吃的冰菜, 好五, 滾幾吓就食得, "好好水" 呀!

加埋八號屋女主人, 五個人夠哂食啦.

咁當然仲有我呢煲天麻川芎燉龍躉頭啦....呢煲都唔少野, 哈哈, 買湯料都去咗五百大元呀!  每人限量一碗半.  八號部屋男主人剛回香港, 留番碗湯比佢.

天氣冷, 大家食到暖笠笠呀!

型爸開咗呢枝從泰國機買嘅Whisky, 佢地話唔錯呀!

上次仲買咗另外三枝, 等佢地慢慢試啦.

今晚餸菜款式唔多, 但大家食到捧著個肚呀!


沒有留言:

張貼留言