銀芽韮王豉油皇炒麵 + 龍疐頭腩鯇魚腩粥

January 1, 2018, Monday

新的一年新的開始, 的感冒仲未好得哂, 無理由新年第一天又食白粥架.    哈哈, 唔食白粥咪加的料煲粥, 炒碟豉油皇炒麵咪得囉.

買咗銀芽 & 韮王

浸咗一包全蛋麵....唔, 呢隻麵浸起太腍身, 用嚟炒腍咗的, 不過都無辦法

用咗一湯匙老抽, 三湯匙生抽, 加咗少少糖

蒜蓉起鑊

先炒的銀芽韮王

跟著落麵加豉油, 的都好軟, 要用筷子挑了好耐先可挑鬆

雖然麵身都係有的諗, 但炒起都算唔錯啦.

至於碗粥就簡單粒.  先用萬能煲個稠的白粥,   跟著將的粥放入小煲, 加的熱滾水再滾的粥, 咁就可以控制個稀稠度, 又可以滾起煮熟的魚.

本來只係鯇魚腩, 點知去超市買野, 魚檔係咁叫我買龍疐頭腩, 仲話任我揀, 哈哈咁優待, 買咗一百元.   落咗兩款魚, 的粥鮮甜好味呀!

呢份係我地嘅元旦晚餐....哈哈, 都算豐衣足食啦