大都烤鴨 - K11

January 15, 2018, Monday

型爸的老外朋友又嚟香港, 又約出嚟一齊食飯.

上次同老外的女兒來過大都烤鴨, 佢好鐘意, 今次同老外嚟試吓.

不過嚟大都烤鴨都好鬼乞人憎, 只係兩個時段, 六點至八點, 八點至十點.  就算book六點半, 都係要八點交檯.   咁鬼叫咁好生意咩, 八點真係有人排隊架.

點菜時都struggle咗一陣, 侍應介紹了晚市套餐, 我地都覺得幾好.  但四人餐HK$1,288 只得半隻烤鴨, 我地覺得唔夠, 如果加多半隻鴨就要加HK$250.  咁就變成HK$1,538.   另外一個六人餐就要HK$1,788, 咁就有一飯烤鴨.   型爸決定要六人餐, 佢話叫多的就多的啦, 食唔哂拎走.

六人餐有五款前菜, 醉雞, 餚肉, 醬蘿蔔, 蘑菇及海蜇頭拌青瓜, 樣樣都唔錯呀!

烤鴨嚟啦, 呢道的烤鴨portion 真係好細碟, 成五百文一隻烤鴨, 真係好貴.   講開彩晶軒隻烤鴨平的又好味的呢!

個花膠湯又真係幾好味, 原隻花膠筒煲完出嚟都仲有咁大隻, 唔錯呀!   每人一碗都好夠, 多咗兩碗出嚟, 打包拎走啦.

松子黃魚

小籠包

京城黑鑽蝦球.所謂黑鑽,我覺得係欖角來的,不過又比欖角腍的.

淮揚炒飯, 食唔落啦, 全碟拎走

翡翠珍珠, 的珍珠係冬瓜嚟架, 都幾好味, 只係食咗三份一, 真係食唔哂.

哈哈, 眼闊肚窄呀!

埋單HK$2,076, 茶加鮮果(即係一坐落就放碟生果), 再加一都差不多三百元呢!

真係唔好理, 差不多八點個侍應不斷收起檯面的野, 又pack好我地要拎走嗰的, 個感覺就係想我地快的埋單.   咁都唔好阻著人地張檯, 埋單就埋單.    埋單行出去, 竟然有條人龍排緊隊, 唔怪得之啦.