2010年7月30日 星期五

斷食三天 - 2010 - 3rd


2010年7月30日下午3:55公開累積瀏覽 59 0

肚皮舞要好多肚部活動, 而腸臟會隨著呼吸而蠕動, 再加埋後半部跳舞步份, 舞步好快同大動作, 並不適合斷食第一天.
呢三天主要食糧: 蜜糖, 蜜糖水, 花茶, 麥茶 & 水.   早午晚一湯匙蜜糖, 其他時間, 覺得肚餓就飲蜜糖水, 花茶, 麥茶或水.
第一天 - 當然肚餓.  但係今日有件不開心事發生, 情緒受影響.  無咩食欲, 很易就過咗一天.   心情唔好, 唯有將的情緒發洩响購物身上... 大出血.  女人真係奇怪, 買起野上嚟, 真係咩野都唔記得, 重咁有力氣去左揀又揀. 但買完都仲未開心番.
第二天 - 並不覺得太餓, 早上頗忙, 因下午要出去attend 個Seminar.  不過自備蜜糖水, 無問題.  Seminar 途中又掛起黑雨, 即刻打電話番屋企, 睇吓有無問題.  無事.    但係個seminar overrun 得好緊要,  差唔多六點先走, 仲要由灣仔坐隧巴番尖沙咀, 型爸接我番屋企.   又頻頻撲撲咁過咗一天. 但並不覺得攰.  唔開心的事仲未嬲完, 但已經同自己講, 一定要放低. 快樂的鎖匙, 應該由自己掌握.
第三天 - 更加無難道, 因為已經唔覺得餓. 成日都喺公司, 好快就過咗一日.   覺得自己好有energy.   晚上上瑜珈堂, 所有動作如常, 覺得柔軟咗, 可以摺得埋的(可能肚腩扁咗無頂著).  回到家已經晚上十點幾.   不開心的事已經放下......
第四天 - 復食日, 早上以一杯蕃薯粟米粥做早餐.  午餐同同事去K lunch, 叫咗雞扒烏冬, 食完後整個下午覺得個胃好重.  回到家, 晚飯都不太想食, 吃了一小碗蕃薯粟米弼, 一點菜, 小小魚肉...已經好飽...

 朋友從日本帶回來送我的麥茶.
 早餐, 蕃薯粟米弼, 今次用了紫蕃薯
 午餐, 雞扒烏冬.  雞扒去皮, 食唔哂, 食完個胃覺得好重.
明天是第五天, 仍要注意飲食, 不可過量, 輕鬆的渡過這幾天斷食日.

沒有留言:

張貼留言