今次買嘅芋頭, 個阿姐即刻切開比我睇, 話唔靚包換...切開真係幾靚喎...但個芋頭切開咗, 要即刻做.
將個芋頭切成條狀. 我今次將佢先蒸15分鐘. 蒸咗再炸, 可以將炸嘅時間縮短.
都係要炸兩次, 第一次, 感覺到的芋頭變硬, 可以撈起. 如果只炸一次, 的芋頭好快改變軟. 再炸一次, 將的油迫番出嚟.
已經炸咗兩次啦..
跟著用另一個煎pan, 落咗半杯糖多小小, 加5湯匙水慢火煮滾, 要不停拌勻. 由大泡轉小泡..
繼續煮, 直至的糖水有的杰杰地
呢個時候可以放的芋頭落去炒(切忌大火), 炒到的水開始變少便要熄火.
繼續炒, 炒到的糖水收乾開始起沙 (嘩! 好開心呀!)
真係反沙芋呀! 起哂沙啦....
上碟, 幾靚仔咩.
比多個close-up, 的糖包著哂的芋頭.
立即試食啦! 好熱呀! 食落去的芋頭好香好軟, 但包晒糖覺得好甜... 攤凍小小再試, 好的, 無甜得咁緊要.
煮呢個反沙芋, 純粹係滿足自己, 平衡下上次嘅失敗感. 咁高熱量嘅甜品, 千祺唔好食咁多呀!
下次再整時, 最好等到大凍天時, 多的人, 每人食一兩件滿足吓的口腹之慾就好嘞....
沒有留言:
張貼留言