2010年7月20日 星期二

German Cheese Cake


2010年7月20日下午12:46公開累積瀏覽 250 0

New York Cheese Cake 比較濃味, 今次整番個淡味的嘅German Cheese Cake, 又快又唔使焗, 仲可以用吓豆豆媽咪送嗰支火槍...  不過最緊要睇吓能唔能夠得到二公子嘅歡心...  無可能次次都整New York Cheese Cake 架, 食嗰個唔討厭, 整嗰個都悶死啦.
呢個德國芝士凍餅用咗: 200g cream cheese, 300g whipping cream , 3 tablespoon lemon juice, 40g sugar, 1.5 egg yolks, 10g gelatine .   餅底: 消化餅8塊, 牛油50g
今次無用到焗盤(因為唔使焗), 用咗個6"嘅碗(其實用8"係最理想), 諗著自己食無所謂, 亦方便放入雪櫃再攞出嚟.  .
將個餅底先做好(消化餅壓碎加溶牛油)然後放入雪櫃.   忌廉打至企身. 魚膠片加10g熱水(用熱水坐溶)
 蛋黃加10g糖坐熱水打至淡黃色.
cream cheese 加30g 糖打至軟滑.  將打好嘅蛋汁分次加入再打, 再加檸檬汁.   最後將忌廉(已打至企身)及溶咗嘅魚膠片拌勻...
 倒入大碗...嘩! 啱啱好...用保鮮包好放入雪櫃
 雪好啦!  本來想用刀先起個蛋糕出嚟, 再整個面..但係唔成功, 由佢..
 將蛋黃打散, 响蛋糕面掃上蛋汁.  再用火槍燒吓佢...燶燶地, 幾好樣...   燒完個面有小小溶, 我放入雪櫃再雪一陣..
 切嚟食啦... 
 再加多兩粒Truffles 朱古力一齊食.   二公子同型爸都話好好味喎(當然耳伴仲係聽到二公子同型爸講, 最好食都係New York Cheese Cake). 
今次用個6"碗做起個蛋糕略為厚身, 食完嗰件蛋糕, 覺得太大件(太厚)有的膩.  如果用8"焗碗或者焗盤, 個cake 扁的大的, 切起嚟細件的, 食細細件就啱啱好.  
味道真係唔錯, 雖然食完好有罪惡感(覺得好肥), 不過都係要講聲yummy yummy..

沒有留言:

張貼留言