2010年7月16日 星期五

洋蔥浸紅酒


2010年7月16日下午2:10公開累積瀏覽 1800 3
 

 唔知你地有無聽過洋蔥浸紅酒呢? 响坊間流傳咗好耐, 而我飲呢隻浸紅酒已經有一年多...
事原兩年前搬咗嚟呢度"山卡罅", 執屋時要將的衣服什物安排好, 一日不停咁行上行落幾十次(仲要負重), 連續幾日不停上上落落, 初初痛時死頂唔理, 結果攪到個膝蓋受傷... 嘩, 痛到上落要一級一.級行.  睇西醫, 中醫, 骨科專科, 針灸, 全部都試過.  睇西醫食緊消炎止痛葯時, 就好的, 但不久又痛過... 食中葯配埋針灸(的梧州蛤蟆都唔記得食咗幾多對), 情況都無咩好轉, 咁又攪咗幾個月..
突然間有一日翻看舊email有關洋蔥紅酒的驚人效果, 發覺好似好多好處, 例如降低膽固醇, 防止骨質疏鬆, 降脂, 預防胃癌, 治療糖尿病...

純粹以平常心去試吓, 覺得紅酒我又飲, 洋蔥我又鍾意食, 如果有咁多好處, 試吓無妨.  就開始飲呢個洋蔥紅酒, 斷斷續續飲咗年幾...

 呢的係上次浸普通洋蔥, 而家飲緊.  

用咗三個洋蔥(每個洋蔥切八塊), 我無一個濶口大樽可以放三個洋蔥&750ml 酒, 所以用咗兩個細樽.  將的洋蔥分開兩份放入, 一支750ml紅酒分開兩瓶入, 浸一個星期就可以飲.

浸咗一星期之後, 要將的洋蔥同紅酒分開, 唔需要繼續浸.   每日飲兩至三湯匙, 吃兩片洋蔥.  十二日就會飲哂.   難唔難飲? 難唔難食?  浸咗嘅紅酒唔難飲, 但係的洋蔥就真係唔係咁好食.  我頂得著.  照食.

 今次買咗紫洋蔥番嚟浸

 三個洋蔥分開兩瓶啱啱好

 開咗支紅酒先發覺今次開呢支係1000 ml


 入滿兩瓶仲有酒剩, 即刻整多一個洋蔥.

 變咗三瓶
我大概記得, 飲咗呢隻洋蔥紅酒一個月, 開始發覺個膝蓋無咁痛, 連續飲咗三個月, 已經好咗好多.  我唔可以講而家完全無事, 其實久不久會痛吓, 但係嗰的痛楚大大降低.    
有段時間飲到好悶, 唔想飲, 就停咗一排.  開始痛番我又再浸嚟飲... 連續飲番一段時間, 又好似覺得好的... 就係咁斷斷續續咁飲咗年幾啦..... 我諗應該有益掛, 當保健品.  

我唔係怕去睇醫生, 只係唔想繼續食嗰的消炎止痛葯, 個骨科又叫我不停做物理治療...做嚟做去又係咁...  唯有自己食的Joint support (Glucosamine & Chondroitin)啦.  
膝蓋仍有時痛, 但已經好咗好多.  上樓梯, 膝蓋有的咯咯聲.  尤其是做瑜珈時, 一做的要膝蓋用力就會有問題, 例如戰士一, 二, 三式, 三角式, 或者要屈曲雙腳(好似坐無影凳), 跪低做某的動作, 個膝蓋唔夠力, 唯有就著嚟做.
雖然痛, 但係唔會放棄做瑜珈, 平時無咩運動, 唔做就更加無伸展嘅機會. 
繼續努力!

沒有留言:

張貼留言