Pizza - 蘑菇洋蔥肉醬Pizza & 青椒紅椒火腿腸仔Pizza

Jul 6, 2010 9:31 PMPublicPageviews 193 0                    

我用咗嗰半份剩低嘅高筋粉同中筋粉免搓麵團, 做咗兩個pizza. 而另外嗰半份低筋粉麵團就仍然keep响雪櫃, 未諗到做咩...

 本來打算用個pizza pan 做兩個大的嘅薄批, 但係的麵團都係比較濕同無彈性, 好難將佢攤薄, 的麵團仲沾哂响的圓孔上面.  決定改用9"焗盤做厚批.
當其時好忙, 又要整包, 又要整pizza , 又要趕著一點前食晏, 然後出去.   

兩個唔同醬底

兩個唔同錎料

不過一樣放兩種芝士.  兩個一齊放入焗爐, 200c 焗咗15 分鍾...

出爐啦.. 呢個係用高筋麵團整嘅, 落咗蕃茄醬同Mozzarella Cheese 做底, 上面加咗洋蔥蘑菇肉醬, 最後再加Mozzarella Cheese & Parmesan Cheese上去.

 呢個係用中筋麵團做嘅, 落咗意大利香草醬同Mozzarella cheese 做底, 上面加咗青椒, 紅椒, 火腿, 腸仔.  最後加埋Mozzarella Cheese & Parmesan Cheese 上去. 

驚界花個焗盤, 將兩個pizza放响隻碟到

睇吓! 都界得幾靚吖..

呢碟都唔錯...

同佢地影張全家福先..., 但係型爸同二公子已經忍唔著嘞...

煲咗個金寶礶頭湯(海鮮蘑菇湯)配的pizza做午餐.  個碗都係金寶出品.

 呢份就係我嘅星期日午餐啦!  兩個pizza都好味, 個批底分別都唔係好大(可能兩個都係趁熱食).  型爸話, 的料夠多好正喎! 二公子都話得.   佢兩個都覺得個蕃茄肉醬底好味的.   個香草醬就無咁惹味, 但係都ok.

 其實個湯加埋兩塊pizza已經好飽, 但係都想試吓的包, 每款都切咗小小出嚟試吓的口感.... 都唔錯喎!