2010年7月3日上午7:37公開累積瀏覽 273
第一次做, 唔敢做咁多, 個video嘅recipe 可以做4 loaves 麵包, 我做咗四份一嘅份量, 即係1 loaf. 但唔知點解, 個麵團好濕, 唔似個video 嗰的咁.
都form咗個包型. 但係發酵咗一小時, 一的都無漲到, 仲有的撻咗落張baking paper 度.
响麵包面界咗三刀, 放入焗爐. 我無pizza stone, 又無鑄鐵鍋具, 淨係好似平時咁放入焗爐, 下面放咗的水. 個麵包即刻漲起...但界嗰三刀無爆開, 唔知係咪應該發酵前界.
焗咗三十分鐘, 就出現咗呢隻史前怪物. 兩邊就係發酵時撻咗落張baking paper 的痕跡. 攞上手, 好有手感, 似足的歐陸包"掟死狗". 亦似响you tube 另一款 No-knead Cibatta Bread-Amazing Italian Bread 多的.
切開時個皮好似好硬好脆. 但係個樣就唔好睇.
入面就係咁啦, 好似ok喎!
我用咗個蒜蓉香茜醬嚟搽麵包.
食落好有口感, 外硬內軟, 韌力十足, 食完牙較都軟埋! 但係最奇怪, 唔知係的麵包定係的蒜蓉醬, 食完一塊, 好想食第二塊. 型爸食完一塊又一塊, 鄭小b爸都食咗兩塊, 林老闆食咗一塊, 我呢的媽咪級, 梗係負責的頭頭尾尾... 貶下眼, 個包就消滅哂!
今次真係唔滿意, 要再嚟過. 食慣的港式包咁鬆軟, 呢的完全係唔同口感嘅野....
沒有留言:
張貼留言