五分鐘免搓包 - 低筋麵粉團做的Focaccia

Jul 13, 2010 9:49 PMPublicPageviews 1026 0                    

上次剩下來的半份低筋麵粉團, 今個星期整埋佢.

麵團已經雪咗七日, 攞出嚟睇吓聞吓, 真係仲ok喎!  但係的麵團真係好濕, 要落好多手粉先攞得起.  勉強做咗個圓形, 但好快佢又撻番扁扁的.   嘅然係咁, 我就扁扁地做個Focaccia.

今次用個圓形9"焗盤.  放响室溫大槪發酵咗個半鐘, 但係唔覺大咗好多.

我開咗礶葡萄牙出品嘅水欖(Olives)

 呢隻水欖好好味, 用嚟配紅酒好正.  不過有核.  口感相當好, 不過要去澳門買. 香港有無得賣就唔知嘞.

我用咗9粒, 不過要開邊起核.

 去Mrs Kua 到攞咗的rosemary...
跟著整包嘅過程就全部唔記得影相......

 今次除咗掃橄欖油之外, 再灑咗的蒜蓉粉上去.   一灑咗蒜蓉粉之後又有的後悔, 因為唔可以焗得耐, 因為的蒜蓉粉會燶同變苦.  結果將個焗盤放低的(焗爐底有放水), 焗咗三十分鐘, 個包亦唔覺升高咗好多.  出爐時, 覺得個包好硬. 

 

將個Focaccia切開, 睇落都有好多氣孔, 咬落去有的韌, 但係並唔係好似上次咁外脆內軟.  但嗰種韌度可以接受, 唔會好似史前怪物咁韌, 食到牙都軟.
綜合呢三種麵團做出嚟嘅免搓麵包, 用普通麵粉做係ok嘅(咁梗係, 人地Artisan Bread in 5 minutes 都係用普通麵粉), 但我覺得用高筋粉麵團做嘅包好似比較好的.  而低筋麵粉做出嚟嘅麵包, 手感同口感都好似差咗的, 所以應該唔會再試做.   而高筋粉同中筋粉做嘅麵包同 pizza都ok, 應該會再做.