蘋果批

2010年7月5日下午2:59公開累積瀏覽 228 1

星期六晚, 整咗個蘋果批招呼的隔離鄰舍...

 

参考咗幾個唔同嘅recipes, 都唔係幾啱心水, 結果決定用自己嘅方法去整.

 用咗5 個蘋果, 切粒, 將佢放入煲內, 加小小水煮, 我加咗2 湯匙糖同1茶匙肉桂粉落去...  蘋果切勿煮得太淋.   試味時, 發覺好甜(可能的紅蘋果本身好甜), 決定放棄的水.

 將的煲咗嘅蘋果倒入大碗, 再加自製嘅蘋果醬落去, 加小小提子....我覺得個杰度好夠, 味道又唔太甜. 唔想食落去有糊口的感覺, 所以無加生粉或麵粉..

 用咗ready made 嘅shortcrust pastry... 將佢修剪放落個grease 咗嘅焗盤...

 將的蘋果餡放落去, 面頭再加一塊酥皮, 修剪成圓型

上面界咗三刀, 再掃的蛋汁上去...我再洒咗小小糖响面

 Mina 見我剪咗的酥皮出嚟, 佢話唔好嘥, 佢學我grease 咗個碟, 中間落咗的蘋果醬, 面頭又掃的蛋汁...又洒的糖响面..... 好攪笑...

 放入爐一齊焗, 大約焗咗50-60分鐘

 嘩! 睇落都好得喎!

 出爐時又唔記得影相... 切咗幾嚿先記得補番張.

切咗十二件, 每人一小件, 佢地個個都話好味, 又唔甜... 唯一嘅缺點就係點解整咁少呀! 一次整兩個阿麻, 唔係點夠食呀!

下次要準備多的料....