2012年12月18日 星期二

石崗農場鮮奶- 20121215


2012年12月18日上午11:43公開累積瀏覽 342 0


要咗HK$20魚肉燒賣, 有16粒.

型爸二公子要嘅五香肉丁公仔麵, 我就要餐蛋麵, 但我唔鍾意的麵好硬呀, 好似烚兩烚就落碗.  型爸話佢鍾意食, 結果佢同二公子分咗呢碗, 我就再叫佢地煮過一碗, 的麵要煮腍的.  可能同我平時煮法有的唔同, 食落唔似一丁麵嘅.


食完就每人叫一碗燉鮮奶, 好味喎!  今次唔要薑汁撞奶, 上次食過覺得的味道麻麻.


走之前就再去睇吓羊羊, 啱啱有人餵佢地食草, 我地一行埋去, 佢地又以為有得食啦.

跟著就走啦....開車出去, 嘩, 點解突然咁多小朋友嘅...原來唔知邊間學校旅行, 有好多家長陪同, 本來無咩人嘅郊野公園, 突然多咗咁多人. 

最頭痛係呢道只有一條車道, 出入都只係呢條路, 有避車處, 但被人泊哂車, 我地剛出去, 結果要倒車.   讓咗兩架車再出去, 點知又有五架入緊嚟, 又要再倒車...咁樣等都等咗二十分鐘...

卒之出到嚟啦, 又要快的返屋企,  係時候帶Loki出去行吓啦.

沒有留言:

張貼留言