我地去到雅苑門口, 見佢地霸口咗個車位, 型爸問响呢道食飯可唔可以泊呀, 佢地話可以, 咁就响呢道食啦.
上次嚟食烤魚鍋都幾好味, 今次試吓第二樣先
呢道晚上都係以火鍋為主, 一坐落就比各款調味
咩都落的, 整咗碟"混醬"先
嚟啦嚟啦....
我地叫咗醉雞鍋呀!
不過叫咗半隻啫, 一隻驚食唔哂.
呢道都有椰子雞鍋, 不過上次上國內食, 覺得麻麻, 我驚鍋低有甜味呀!
經過上次食雞鍋嘅經驗, 我地今次一次過放哂的雞落去, 加蓋滾起2-3分鍾, 熄火焗幾分鐘...咁食法的雞好滑呀!
食完雞先食並他配料
型爸要咗水餃
貢丸
唐蒿
稻庭烏冬
的烏冬放落的湯道, "索"咗的味, 好好食呀!
焯埋的菜睇吓夠唔夠先...仲可以加個烏冬
食埋就真係好夠啦.
型爸叫咗雞骨草
呢的小店, 唔使加一茶芥, 真係好抵食呀!
沒有留言:
張貼留言