2013年6月1日 星期六

杏仁鮮奶溏心蛋露


2013年6月8日下午12:43公開累積瀏覽 392 1


鮮奶一公升, 杏仁粉12滿湯匙, 糖大約5湯匙(甜度各人喜好啦).

煲滾1.2公升水, 加鮮奶加杏仁粉,  一滾起即轉中細火.


平時我會淨用蛋白, 但今次我要整全蛋, 仲要係溏心嘅.

將蛋打落碗道, 將火轉大少許, 將蛋慢慢滑落奶露, 滾起,直至看見蛋白浮起, 再多煲1-2分鐘 (唔好煲太耐, 唔係的蛋黃就唔溏心啦, 除非唔喜吃生蛋(溏心即係入面仲係生生地) 要吃全熟蛋就煲耐的啦.)

攪掂啦

煮得啱啱好, 真係溏心架, 個蛋黃軟腍腍又唔會生到流出液態咁.

大成功加好好味, 型爸又比like, 仲要添食, 但蛋只許食一只, 加的杏仁奶露比佢啦.   連唔喜歡杏仁味嘅二公子, 都幫我食哂成碗呀!  

林老闆食咗一碗, 佢都話好味喎.

沒有留言:

張貼留言