2014年6月16日 星期一

小廚知味 + 猫山王

June 12, 2014, Thursday night

呢幾日工作忙到不得了, 壓力大昨晚都瞓得不好.  唔夠瞓但一返工做起野上嚟都唔識攰.

做得好忙嘅時候, 收到鄰居群組的Whatsapp, 今晚有特別野食...哈哈, 精神為之一震...要八點半前返到去呀!

放工盡量早的走, 不過返到去都已經七點幾, Ruby放假, 我地三個開車出去食啦.

順道去超市買野, 泊咗去超市樓下停車場.   跟著行過對面, 諗著快快趣趣食完趕返去.

呢間小廚知味, 午市嚟幫襯過幾次, 晚市就好少嚟, 今日為方便, 但估唔到有意外驚喜.

驚喜在於佢地嘅晚市小炒, 非常有鑊氣, 的菜上到嚟係熱辣辣到仲有聲.

豆腐火腩煲(哈哈, 又諗起鄭子誠同盧海鵬), 夠鑊氣味道又好, 只係HK$50

馬拉盞白菜仔炒牛肉, 好野味, 正!  HK$48

再加了一個四川麻辣海鮮豆腐煲, 好辣但好好味.  HK$55

睇吓, 我地咩都食哂, 淨係剩低的辣椒, 食到出哂汗.

我地三個人, 型爸本來話要多半隻口水雞, 但我話太多啦, 二公子唔鍾意有骨雞, 我又要留肚返去食野, 叫佢唔好叫.   好彩咋, 唔係真係食唔哂, 又話者要勉強食埋佢.

以上嘅價錢, 係套餐價, 即係我地每人都有一碗飯, 一碗湯, 加一杯飲品.   HK$153, 計計吓, 仲平過去大排檔食.

好快食完, 仲有時間返去整花椒鹽, 明晚有聚會, 今晚要醃定隻鴨, 明天整鹽水鴨呀!

八點三十五分, 去到鄰居家...我隻身去咋, 因為型爸同二公子都唔啱呀!

嘻嘻, 講咗咁耐, 我地今晚嘅聚會就係為咗呢的猫山皇呀!  昨天鄰居的朋友空運來的,她說昨天已經吃了五大件, 今日一定要搵我地幫手,點好味都食唔到咁多.

留意吓, 的榴槤有兩隻顏色, 淺色嗰隻叫XO榴槤, 味道非常清甜, 我地要先食呢款, 因為深色嗰款叫猫山皇, 味道好濃.

有兩盒, 我地食到好滋味呀!  食咗咁多, 好燥架...

唔使驚, 食完大家狂食山竹.... 林太買了六磅, 陶媽買了八磅....我諗我都有食咗十個八個.

食完大家傾一陣要散band, 明天我仲忙, 要早的返去休息.

不過瞓到半夜開始覺得喉乾, 的榴槤真係好燥, 好彩有食山竹, 如果唔係一定喉嚨痛呀!

沒有留言:

張貼留言