午膳@金田日本料理

May 27, 2014, Tuesday afternoon

自從Sticky Finger無咗午市, 龍門上次又發現小強, 阿善素食的服務又超差, 印度餐廳又唔想成日食, 下午食飯嘅選擇, 真係買少見少.

呢排都常去寶勒巷, 但就好耐都無去金田, 返而去多咗一樓泰國餐廳食碗粉.

以前常去金田, 覺得的食物都有的質素,唔知點解有一排又無去.   因為佢地多咗好多競爭對手.
淨係樓下泰國餐廳同日本餐廳都搶咗佢地好多生意.

今日諗起呢間餐廳又去幫襯.

 
呢道嘅什菜沙律, 的醬汁比起其他日式餐廳好味好多

同事要了牛柳粒定食

我要了壽司+鴨胸蕃茄湯烏冬定食. HK$48

有的心思, 嚿芥辣用樹葉型模倒出來

 

另一位同事要了南瓜天婦羅鯖魚定食, HK$48

每人仲有餐飲(凍飲都唔使加錢), 及甜品雪米糍.

埋單又唔使加一, 金田都算係價錢同質素都保持得很好嘅日本餐廳.

第日都要多的嚟幫襯先得啦.