日式麻醬青瓜涼拌手撕雞

May 28, 2014, Tuesday Night

呢排天氣熱, 日日都話酷熱天氣警告, 晚飯都想食的清涼的.


而我又响一田買咗麻醬, 呢個真係涼拌菜好幫手.  我都唔知呢紅色同綠色有咩分別, 每樣買咗一枝, 今日就先開一枝紅色.  (註: 經Akiramay解釋, 紅色那枝是沒有花生, 而綠色那枝有花生.   對花生有敏感的人要留意啦啦!)

以前整手撕雞會買成隻雞, 但今次只係用一塊雞扒, 因為真係食唔哂. 

雞扒一塊用鹽醃好蒸熟, 待涼後手撕.

青瓜一條(幼身瘦長那款)切絲

一塊雞扒配一條青瓜係啱啱好.  呢個涼拌菜, 要青瓜多的先好味.
 

加的麻醬汁撈起就食得. 好好味呀!  雪凍的仲好味呀!   當然亦都可以加點麻油, 會更加香囉.

的雞扒同青瓜都好平...哈哈, 最貴係枝醬汁呀!

今晚仲有其他餸, 都係好豐富呀!