魚米

July 8, 2017, Saturday

星期六又是繁忙的一天, 早上先去看媽媽帶的點心比佢食.  跟著又去同奶奶姑奶飲茶. 哈哈, 真係未試過, 飲飲吓茶, 整個茶樓停電, 結果等唔到佢恢復供電就要埋單走人.

跟著就開車去香港仔, 搵髮型師打理吓的三千煩惱.  整好頭髮都已經四點幾.  同型爸在就近下午茶啦.

 

見到呢間魚米, 的魚湯好似幾好, 入去試吓先.

 

      下午茶, 三十幾文有交易

我地對全條魚無興趣, 但魚湯米線就有興趣

我要了魚皮角米線, 另加豬潤

型爸就要了魚腐米線

哈哈, 大家share就變咗好多款餸啦.

下午茶餐仲包一杯飲品, 柑桔檸蜜幾好味呀!

埋單都只係HK$76.

今晚會夜食晚飯, 呢個時間食碗米線啱啱好呀!

我仲要趕返去街市買餸呢!