紅茶冰室芝士撻

July 15, 2017, Saturday

上星期六同奶奶飲茶, 今個星期就約咗哥哥姪女同媽媽飲茶.    飲完早茶都只不過係十一點幾, 咁就同型爸去旺角花園街行吓.   行到下午兩點幾, 我地去搵番上次嗰間紅茶冰室飲下午茶.

呢間紅茶冰室就响嗰條金魚街.  呢條街有三間冰室, 就只要呢間要排隊.

哼哼哼, 我就係要試呢道嘅招牌芝士撻

坐低咁我地想叫下午茶餐, 但原來未夠鐘, 要等多五分鐘先夠2:30.   型爸見對面檯食客要了個等餐, 佢即刻話想食, 咁我由佢叫啦.   我就乖乖等多5分鐘.

型爸的茶餐有一客沙嗲牛肉公仔麵 (的牛肉都幾諗, 但我覺得沙嗲湯底就鹹咗的)

另外仲有火腿奄列同丹麥多士

呢年丹麥多士又幾鬆化呀!

餐飲要了凍奶茶

個特餐都唔平, 加埋凍飲要HK$51

我先叫了一個芝士撻, 分一半比型爸

嘩嘩嘩, 個撻真係得呀!  的皮非常鬆脆, 的芝士餡輕軟流流地心.....好味呀!

至於呢個流心芝士西多士後而就一般

牛油在西多士上面, 加了鍊奶, 多士入面夾了一片芝士.

當切開時, 面上的牛油及入面的芝士溶開.  因為加了甜奶, 又鹹又甜, 麻麻地呀!

流心西多士餐仲有一杯熱飲

我地下午茶餐加一年芝士撻都只不過係HK$42.   型爸的特餐要HK$51呀!

個芝士撻實在好味, 買咗半打返屋企, 等二公子同Cindy都可以試吓.