城仔記小廚 - 大埔墟街市

July 1, 2017, Saturday

每個星期都過得好快亦都好忙.  如果遇上每月一次同兩隻寶貝去涼沖, 接接送送, 要好好安排時間.

通常Whisky仔玩皮, 每一次都要先帶Whisky出去,  Loki比較易安撫, 唔會發哂顛大叫.   如果我地帶Loki出去留低佢, 佢就會發脾氣在家搗亂.  

今日送完Whisky仔去沖涼, 我地開車去大埔墟街市梁九記入貨呀! 梁九記的雞柳二十元一包, 但好多凍肉檔都賣二十六元, 價錢相差好遠.  的雞柳兩隻狗狗日日都食架.  跟著又去買黑先豬, 豬腩, 豬扒, 梅頭樣樣都要買.   買咗一大堆, 先放回車尾的大冰箱, 我地就去二樓熟食檔, 睇吓有咩好食.

以前成日都嚟食東記的炸豬扒/雞翼麵, 但今日唔想食煎炸野.  東記隔離有位, 那位靚女侍應話就算食東記的麵, 只要在我們這邊叫飲品, 都可以坐呀!  

 
以前呢檔賣粥麵, 現在比呢間城仔記小廚頂咗嚟做.

同型爸研究完一輪, 都係叫呢道嘅午餐最抵食.

要了通菜牛肉, HK$38

味菜豆卜炒珍珠蠔, HK$40.   送到嚟, 型爸即時數吓, 只要五六粒珍珠蠔, 即時同靚女投訴.  靚女話可能最後出咗兩碟, 啱啱賣哂, 可能剩低分了兩份來煮.   扣HK$5, 哈哈, 條氣順的.    點知靚女走咗去, 返嚟時拎咗一碗冰陣苦瓜攞嚟比我地食...佢話唔好意思, 呢的係佢地呢一檔嘅出品, 快的試吓.    哈哈哈, 靚女真識做生意, 下次都要嚟幫襯.


個餐仲有兩杯飲品

凍飲加HK$2,兩個餐加埋都只係HK$82.  

食完我地返屋企夜低哂的野, 送Loki出去沖涼, 再接Whisky仔返嚟.

今日嘅工作仲未完架, 一陣五點幾仲要出去再買餸, 較啱時間再接Loki返嚟食晚飯, 咁先王完成今天所有行程....真忙呀!