New World Millennium - 桃里

July 26, 2017, Wednesday

今日約咗型爸食lunch,

 又去就近嘅新世界千禧酒店, 不過今次唔係去The lounge, 係去中餐廳桃里.

 本來預算食個商務二人套餐

 但睇吓睇吓, 又另一個點心放題餐牌, HK$568 for 2 persons, 唔係貴好多, 但選擇就多好多.  型爸話一於就點呢個點心放題餐.   放題...個心有的驚....一定又超吃.

 型爸要老火例湯, 我唔要,

 我要灌湯餃得啦.  型爸話佢又要灌湯餃.

 油菜, 的菜心好靚

 酸齋, 做得幾好味, 最緊要唔係好多醬汁浸著, 嗰的我好怕.

 黑毛豬义燒拼白雲鳳爪.  的义燒好腍, 幾好味呀!

津白玉子蝦捲, 呢樣清清地, 無特別好味.

 型爸要了春卷 (其實我唔想要), 好彩係兩條, 我食咗半條, 覺得唔係咁好味. 型爸食一條半.

 計計先, 加埋湯, 同灌湯餃已經八樣, 過哂平時的2.5原則.

 跟著仲有牛肉, 好彩係兩粒

 黑松露黑毛豬餃.   呢個皮做得唔得呀, 一夾就穿, 食落去味道有的似小籠包,個皮就似蝦餃/潮州粉果的皮.不如改做小籠包的皮好過啦.

 型爸話要要一碗例湯, 我分了一小碗試吓, 又真係幾好味.

 最後要了一客豉椒牛肉煎米....份量好細, 只有一小碟, 餸多過米.

 最最後要了兩個芒果布丁及一客桂花糕.   芒果布丁好味, 但桂花糕就唔得, 太實又無桂花味.

芒果布丁好味, 型爸又再要多一個.

埋單HK$568 + 茶錢HK$50 + 10% service charge, Total HK$679.80.   如果有New World Millennium card, 可以有25% discount.

咩野放題呀...自助餐...任食呀最好都係唔好去咁多, 一家超食.  久唔久一次好啦.
 
呀.....今晚仲要同鬼妹仔去食填鴨呀!