2017年7月7日 星期五

深涌榕樹澳蚺蛇灣遊山玩水

July 2, 2017, Sunday

 呢幾天時程時雨, 一落起雨就好大.   今早六點幾起床滂沱大雨, 諗著今日行山又要取消.  但都七點幾天色放程, 組長話如期出海.   落雨天, 出席人數大減, 好彩有我同型爸副組長夫婦撐著, 加埋名譽領隊哈叔, 資深行山人士青哥, 總共都有九人.

我們開車去到三門仔上船.  今日又要麻煩哈叔的老友文哥載我地去玩呀!

我地經過榕樹澳, 嗰道有好多魚排

到啦到啦, 哈叔話今日行深涌榕樹澳

上咗碼頭行入去就見到路標啦

不過我地今天行短程

先向左手邊行去深涌, 跟著再回程行去榕樹澳

見到呢的路牌, 即係平時應該好多行山客會到.

呢道的景色好靚呀!

仲有好多棵黃皮樹
呢道的屋仍有人住.  1964年起, 都只係五十幾年.

呢道就係深涌農莊

呢道有好幾棵柚子樹, 大樹菠蘿樹

的大樹菠蘿好大個呀!

再行入去見到好多屋都已經荒廢

由呢道行去白沙澳要一小時四十五分, 行去榕樹澳就只需一小時.

我地去到那間荒廢了的學校便回程, 唔再行去白沙澳

行另一條路出碼頭, 又見到有間荒廢了的天主堂.   真係估唔到, 呢道人口咁少都有天主堂.

行番出海邊, 望過對面, 就係馬鞍山.


 又見到特別的果樹, 唔知係咩, 大大個, 好似番鬼佬荔枝, 但橙色大個好多

又有補給站?  呢條路一定好多人行.   跟著開始仍面遇到好多行山客, 原來佢地由榕樹澳出發行去白沙澳.

由深涌碼頭行到榕樹澳, 只係需要40分鐘.

當我地由榕樹澳行返深涌碼頭, 睇著嚿黑雲由馬鞍山嗰邊移過嚟, 結果我地有帶雨傘都無用, 雨實在太大, 個個全身都濕哂.   哈哈, 好彩我地今日預咗游泳, 個個都衣服換.  不過一陣仲可能會落雨, 我地上船後索性先換泳衣.

跟著船開去塔門碼頭, 我地去食午飯


已經打咗電話去新漢記訂位.  上次佢地全酒家滿座, 不過今日落雨天就清靜好多.

男士就最高興, 一坐落就啤啤先



九個人要了八樣野, 都唔係好多啫, 哈哈, 食哂都只係覺得啱啱好.

食完我地又上船, 都仲係有少少雨.   組長好想去游泳, 咁我地就開去蚺蛇灣

去到又幾好喎, 天色又再放程

船泊近岸, 我地由船游去沙灘, 再由沙灘游番上船都已經好攰啦.    上次嚟呢個沙灘無人, 今日不時落大雨, 返而沙灘上有人紮營.

今日好開心呀, 因為組長的堅持, 我地先可以遊山玩水食海鮮, 咁當然包括比的雨水玩我地啦.
返到屋企雙腳攰到差的行唔到上樓呀!

沒有留言:

張貼留言