大公子今早到港, 但我地無去接佢, 因為佢早上五點幾arrival, 咁早坐的士好的, 如果唔係, 型爸要半夜起身. 點知架機早到, 四點幾已經到, 早上五點半已經到達家門....打電話叫我地開門(哈哈...門鐘無電), 五點幾醒哂....一年半無見佢啦.... 不過我都係好眼瞓呀!
幫佢執吓野就要梳洗返工...不過我已經聽到佢地幾仔爺响到講, 約咗下午去Happy Hour, 然後去揀手機(大公子未返到香港己經話要換手機...)
我同型爸講, 使唔使咁心急呀! 星期六日先買啦.... 之前我話阿仔返嚟, 整的咩野比佢食好呢....型爸就話我妳使唔使咁緊張呀, 我地食咩佢食咩, 唔使特別整啦... 而家個仔話要換手機, 好似一日都等唔得....
今早咁早起身, 返工都仲係覺得好眼瞓, 放工之後就同佢地相約去百老匯揀手機....
結果...型爸做了早來了的聖誕老人.....kakakakakaka.....
一次過買咗三部手機, 兩個仔就買咗LG-P990 Power of Two, 雙核心手機, 而我就買咗部HTC WildFire S...kakakakak...
本來二公子無份架, 因為佢部手機都係好新, 不過型爸唔想個仔唔開心, 結果買埋比佢, 將佢部手機trade in...
而我就應該換手機好耐, 型爸一早話買比我, 但我都唔要(唔知換咩野型號好), 我部手機仲打到, 只不過機殼爛咗少少, 用住先啦... 不過今日咁高興, 換就換啦...
阿仔嗰個型號好貴喎(貴過我部好多喎), 型爸就話無所謂啦, 最緊要開心(我話佢縱佢地兩個就真)...
雖然而家Iphone好流行, 哈哈, 不過我地全家都唔想換Iphone 喎.....
而家買手機, 差唔多咩都送齊, spare電, 護mon膠貼. 我嗰部仲有埋獨立插座送.
佢地決定咗買咩型號之後, 我就先去上瑜珈堂, 等佢地同個sales慢慢攪....一陣佢地會接我放學, 一齊去食日本菜...型爸話要慶祝吓喎...
睇吓的手機先...
我揀咗呢部粉紅色HTC Wildfire S, 比較輕巧, 我唔鍾意咁重咁大部, 我覺得好靚仔喎...噢! 係靚女...
我呢款無手機套送, 佢地另外送咗個黑色小布袋用著先.
兩個仔部手機呀!
呢個送嘅原裝手機套
佢地嗰部都好靚仔呀!
跟著嗰幾日會好唔得閒, 要研究吓部手機點用呀.....
沒有留言:
張貼留言