2011年6月6日 星期一

秋田Teppanyaki


2011年6月6日下午3:21公開累積瀏覽 90 1

 
型爸同大公子二公子一齊嚟接我落堂, 跟著我地去近天文台道嘅秋田日本料理....
去到, 我地上一樓食鐵板燒.  而呢道嘅二樓三樓分別係食日本料理同日本火鍋.
我地好耐無食過鐵板燒啦, 而呢間秋田都係第一次嚟

我地叫咗兩個兩人鐵板套餐, 兩個餐大致相同, 分別係一個餐有銀雪魚, 另一個有鮑魚.
呢碟隔水蒸毛豆(加鹽), 送嘅前菜
每人都有一碗野菜沙律, 另一碟醃大豆芽就兩人一碟
第一道上嘅係not on the menu, 鐵板燒師傅送嘅, 魚子鐵板蒸焗雞蛋
睇吓, 好多魚子架.  啱啱熟, 好滑.
跟著就開始燒鮑魚&龍蝦,  鮑魚share嚟食, portion 比較細, 龍蝦嘅肉都唔係太多, 但每人食少少都好開心. 但食嘅時候唔記得影相.
佢的動作太快, 我又坐側面, 的相影得唔好.
食咗的肉之後, 呢的龍蝦殼就攞去煲湯
銀雪魚share嚟食, 每人一小塊
跟著係鵝肝多士
整得幾靚, 不過好油膩呀!  味道唔錯, 不過唔係外脆內軟
呢個蒜蓉薄燒牛肉, 我地一家都好鍾意食架.
的龍蝦海鮮湯ok啦.
跟著鐵板燒師傅就開始表演.....
留意左上角, 個鐵板燒師傅將隻蛋飛起, 用個鑊鏟接著, 隻蛋cut開, 的蛋白流出嚟.  跟著就用蛋黃在爐面寫字(反手)..... 不過佢個識字寫錯咗
跟著鏟走個錯字再寫過
就係呢五個字, 相識八個月(哈哈, 唔知係咪佢講緊佢同佢女朋友)
跟著我地叫佢再試一次飛蛋上個鑊鏟...試一次....唔得...仲有三隻蛋
再試第二次, 又唔得....淨番兩隻蛋, 
第三次都唔得... 仲有一隻蛋...
最後一隻成功啦, 不過有的勉強, 飛咗落條鑊鏟柄上面, 不個都算做到...
跟著又玩第二樣.....本來我同大公子都好眼瞓, 有表演睇當堂醒哂...
師傅用的飯嚟砌Hello Kitty個頭
遠睇似唔似
近睇就好似嘞.  眼睛同的鬚都係用黑色魚子, 個蝴蝶結係用煙肉同蔥, 個嘴就係蛋黃嚟嘅, 幾攪鬼.
跟著就開始炒飯啦.個鐵板燒師傅話唔介意上鏡, 不過我影得唔係咁好, 因佢的手勢太快啦.
每人一碗, 不過我已經好飽, 食得一半
最後仲有炒脆肉瓜
甜品有雪糕. 有芝麻味, 朱古力&綠茶.  我, 型爸同大公子都揀咗芝麻味, 二公子要朱古力味
埋單hk$2,411.20.....好耐先食一次啫.
其實我同大公子都好攰, 大公子jet lag, 一上車即刻瞓著咗.  今朝咁早起身, 我又係眼瞓到不得了.  不過型爸咁有興致一家人出嚟食飯, 攰的都要支持佢啦.
開心..... 

沒有留言:

張貼留言