半島奶皇月餅 vs 嘉麟樓奶皇月餅

2011年9月12日下午2:53公開累積瀏覽 1088 2

中秋節快樂!

 

中秋節梗係應吓節講吓月餅啦!

好多人都話半島嘅奶皇月餅好正, 但我咁多年只係聽都未有機會食過, 先兩年型爸去半島買比我食, 但無預早訂, 結果買唔到.  咁買唔到就買唔到, 無刻意要好想食.

今年都無諗過要訂嚟食, 但估唔到姪女好有心, 訂咗嚟送比我地食.  咁啱公司有人送咗嘉麟樓嘅奶皇月餅, 咁今年就有機會食啦!

嗰日聽商業二台晨光第一線, 同係半島奶皇月餅, 佢地話好似嘉麟樓(半島中菜龐)嘅好食的.  咁我就嚟過大比拼啦

呢盒係姪女送嘅半島迷你奶皇月餅

盒身淺啡色, 有半島酒店標誌

打開有四個, 上下兩層, 共八個. 每個獨立包裝

呢盒係嘉麟樓, 盒面有麒麟標誌

亦都係半島出品

打開都係一盒四個, 分上下兩層, 但無獨立包裝. 

個盛餅吸索(blister)印有麒麟標誌

兩盒一齊影就知道兩個盒嘅大細

放埋兩個一齊影

嘉麟樓模印

半島模印

攞出嚟焗, 由上面睇半島嗰闊身的, 嘉麟樓就窄身的

但側面睇嘉麟樓嗰隻高身好多

焗完攞上手, 咬一啖, 嘉麟樓嗰個餅皮面即碎

而半島嗰個咬落都仲係完整無缺

而奶皇餡嘅味道, 兩款嘅做法都好相似, 都係將的齣蛋黃攞埋的奶皇, 咬落的奶有鹹蛋黃味.  但我同型爸都覺得半島嗰隻味道好的, 並唔係電台講嘅嘉麟樓嗰隻好的.

不過味道嘅野, 個人喜好不一, 又或者佢地背後焗餅廚房跟本就係一樣, 味道嘅差異, 只不過係每次整嘅時候唔同師傳, 份量有少許不一所致.....

其實味道都唔錯嘅, 不過未至於一定要訂嚟食囉.