年初二朋友家團拜

2012年1月28日下午3:30公開累積瀏覽 202 0

January 24, 2012, Tuesday, 年初二

型爸應承了好朋友晚上去團拜, 我食完午餐又馬上要開工.


整個焗雞蛋年糕去做拌手禮

一再加一盒蘿蔔糕&芋頭糕, 咁就差唔多啦, 糖果餅乾佢地唔啱架.  酒都唔需要帶, 佢地屋企多的是.

去到型爸會飲酒, 咁就唔想揸車啦, 點知call極都無的士, 型爸話唔緊要, 揸車去有大個藉口唔使飲啦.


主人家一去到就叫我地飲酒, 型爸話只可飲一杯, 今晚要揸車呀.   咁佢地就唔迫佢再飲啦, 不過就不斷叫我飲啦....咩野藥材酒, 虎骨木爪酒, 金花xo... 嘩, 我野點掂呀.... 我未食野落肚唔飲得酒架..


即刻叫我地食呢煲.... 臭諗係佛跳牆啩..


跟著一大鍋胡椒雞腳


盤菜一大鍋


另一個客人帶咗南瓜炆牛肋條, 好味喎


天氣好凍, 我地喺室外食, 真係著雨絨大衣, 食著熱辣辣都幾過癮..... 主人家話千祈唔好食飽呀, 主菜仲未上呀!


去廚房睇睇....呢鍋鮑魚.....起碼有百幾二百隻....吉品鮑嚟架.  仲未煮好....


原來仲要加的潦參... 真係多得驚人, 我地數來數去都只係得廿幾人, 點食得咁多呀!


型爸同二公子話起碼食咗十幾隻鮑魚, 但係我頂唔著食唔落呀!  的海參唔知係咪未發好, 仲係好硬, 的鮑魚其實幾好味, 但可惜的汁好鹹, 最後食多一隻都只係食咗三隻.   早上我地响屋企都係食鮑魚開年, 晚上又食....我都未試過一日食咁多鮑魚.   覺得個胃頂唔著, 都係唔食啦.


仲有個雲腿雞煲翅湯, 的翅一支支, 但仲係好硬, 我飲湯得啦.

主人家實在太豪, 仲有個精美甜品呀!

燉咗一大鍋燕窩, 再用龍皇杏白米打咗一煲杏汁..... 好正呀!


呢款我食到唔停得口, 食咗三碗呀!

女主人就嚟生日, 蒸咗夀包比我地食呀

開始飲紅酒同xo, 跟著就開香檳,  我數吓數吓, 嘩! 一共開咗起碼10支香檳.   好彩我演技好, 每次都扮飲, kakakaka, 都只係飲少少, 我一的都無醉呀!  不過見到好多位都已經好high啦.  

 

金花xo, 都開咗兩支

 

咦! 馬來西亞帶返嚟嘅喎.

型爸真好彩, 大條道理唔飲啦.

最後都整咗我帶去嘅拌手禮, 佢地話好味喎, 不過佢地咁有酒意, 食咗咩都唔知好唔好味啦.

我地十點幾就走啦, 咁飲落去唔掂呀!  清醒而退好的.