五號屋的部落: 五號屋家中失物事件

2012年1月13日星期五

五號屋家中失物事件

2012年1月13日下午11:08公開累積瀏覽 236 1

January 9, 2011, Monday Night

前天型爸問Ruby, 我浴室塊隔頭髮嗰塊膠去咗邊呀! 係咪攞咗去洗呀! Ruby話無呀! 無攞過呀! 咁大塊野, 無人攞, 咁去咗邊呀!

到晚上返到屋企, Ruby對住我怪叫, Loki好頑皮呀!

今日卒之水落石出啦, 如果唔係當事狗又再犯案, 我地都唔知係咁.

早上Loki嘔出嚟嘅物件, 應該係未能消化嘅膠, 型爸浴室嘅隔頭髮膠, 嗰塊好新, 又軟熟, 應該比佢成塊食哂. 淨係嘔番的消化唔到嘅出嚟, 因為無辦法搵到其他的"屍體". 唉! 好彩見佢無事, 因為佢仲係龍精虎猛.

呢, 就係好似呢塊咁啦. 呢隻Loki食完翻尋味, 又走去地下客廁個浴室, 偷偷地咬咗出花園, 諗著慢慢食. 但係呢塊比較硬, 難咬的. 比Ruby發現咗, 但係已經又食咗一的. Ruby即刻攞起, 因為咁先發現事實嘅真相.

到下午, Ruby又見佢唔知玩緊的咩, 原來佢响我房間, 又偷偷咬咗我支潤眼藥水出嚟, 走去後園咬. 好彩我用個膠袋裝著, 佢無咬到個樽嚟食. 又被Ruby人贓並獲.

其實我呢排工作真係好忙, 晚上都比較夜返, 連肩頸痛物理治療同針灸都無時間去, 返到嚟, 諗著同你玩吓啦, 點知係咁頑皮, 唔單止要鬧, 仲要罸無得出去walk啦.

我開始時鬧佢, 佢好驚咁, 往後退幾步, 我再鬧佢, 又退幾步. 跟著我再話佢, 佢駁咀喎....嗚嗚嗚哦哦哦(媽咪. 你使唔使咁惡呀!), 你做錯野仲駁咀....嗚嗚嗚哦哦哦(下次唔天敢啦)... 跟著唔敢出聲啦....