早上起來, 九點幾落樓下餐廳食早餐, 今日時間充裕, 可以慢慢食
呢間餐廳叫Carino's
餐檯紙巾上, 都係印著和璞飯店, 即係不論住台北戀館或商務飯店, 都係喺呢間餐廳食早餐
間餐廳都幾雅致, 不過今日人唔係好多喎
擺設食物嘅地方都, 食物唔係太多, 但係足夠啦
我的早餐
要介紹吓呢隻65c溫泉蛋, 好味喎! 食生蛋, 禽流感, 唔驚啩!
再加多一碗豆漿, 加的油炸鬼醬菜
最後飲咗杯蒸餾咖啡.
食完早餐, 我地都無出去行, 坐吓睇吓email, 打個電話比大公子祝佢生日快樂. 今年唔整生日蛋糕啦!
差唔多十一點四十五分我地就開始行過去Grand Victoria Hotel, 我地住緊間酒店, 對著呢個美麗華商場, 今晚倡夜煙花呀!
呢個係捷運站, 劍南路站
行十分八分鍾就到, 就係呢間Grand Victoria Hotel. 本來我地訂呢間酒店, 但係房間全滿. 今晚大除夕, 仲要加多hk$950一晚, 但係都無房.
呢, 我地今次嚟嘅目的, 就係嚟朋友公司嘅尾牙餐會.
名牌後係bingo 遊戲
Menu
雖然只係擺十圍八圍, 但個ballroom都好大, 一檯set 12個人. 不過聽其他朋友講, 台灣好多時一檯set 10 人, serve紅酒, 果汁同whisky, 不過我地呢檯好多男士, 個個都係飲whisky, 的紅酒去哂第二檯, 但係第二檯的whisky就轉哂嚟呢檯....
拼盤, 的烏魚子好好味呀!
龍蝦伊麵
山藥竹笙月眉翅
蠔皇花菇扣鵝掌
黑椒牛扒
野菇時菜
麒麟人參蒸魚
蒸蘿蔔糕
呢個甜品應該係芝士餅, 但芝士味唔係好濃, 但係都幾好味!
生果盤
食物質素很好, 食得好開心, 亦飲得好開心. 我咁大個女都未試過飲咁多whisky, 的人話whisky可以止咳, 唔通係真嘅. 我飲少少, 半啖半啖咁飲, 又真係唔咳喎! 反而食咗的蘿蔔糕即刻咳, 唔敢食. 少少少少, 唔覺唔覺都添咗好多次酒. 台灣人好客氣, 不斷互相敬酒, 我同型爸坐呢檯好危險呀! 後尾先留意, 其他檯都係飲紅酒, 只係呢檯飲whisky. 卒之呢檯有一個人醉咗. kakakaka, 不過唔係我同型爸.
食完飯, 我地差唔多十幾個人去KTV唱k, 今日係星期日, 又係大除夕, 好難訂位. 晚上七點半我地要交番個場比人啦. 呢間KTV叫錢櫃.
房間好細, 勉強先可坐咁多人, 大家迫的啦. 去唱k, 幾位男士又飲whisky, 我叫型爸唔好飲咁多啦, 型爸唯有扮飲, 係咁意飲少少啦....我大部份時間都係飲水, 偶然飲一兩啖. 其他女仔都係飲奶茶, 唔飲酒. 結果好似又飲咗兩支幾, 真係恐怖, 一個酒醒, 另一個又開始醉. 還好, 七點半要交房, 散band啦.
跟著我們同朋友到鼓浪嶼食晚飯
上一次嚟台灣都有嚟過, 都係食海觧
不同嘅蔬菜
呢的係烏魚扣 (我唔記得台灣叫咩), 即係烏頭魚先至有嘅魚扣, 但係呢的魚扣, 隻隻都大個五元硬幣, 型爸話想試吓呢倘.
叫咗個津白(佢地叫白菜)鴨掌湯
椒鹽魚扣, 呢個好爽口, 好味喎!
胡椒螺, 鹹咗的.
呢個台灣先有嘅菜, 又唔記我係咩野菜, 唔通真係飲得太多
昨天食咗條紅喉好好味, 型爸今日又叫, 不過今日整得唔好, 三個男士食咗都話太鹹, 我未試呀! 老闆娘即退貨.
仲有叫咗個烤野雞, 幾好味架. 我地5個人, 退咗條魚次後都係食唔哂.
我地5個人, 四個都唔飲酒啦, 但係仲有一個繼繼飲埋頭先KTV剩番嗰支whisky. 佢係都要型爸陪佢飲, 型爸最後都要陪佢飲少少.
食完飯我地返酒台休息啦. 返到去九點幾, 型爸話要休息吓先, 梗係攰啦, 飲咗咁多酒. 不過我地一陣間要上酒店天台睇煙花同倒數呀!
十一點四十分叫醒型爸, 其實我都她攰, 不過嚟到又住呢間酒店, 咁都唔去睇點得呀! 型爸都話一定要去. 酒店己經安排好哂的路線, 有人沿路指示我地上天台. 嘩! 好多人喎, 唔怪得之酒店話滿啦.
天台影落去, 嘩, 下面街都好多人喎. ...四分幾鍾, 分幾鍾, 三十秒..... 十, 九, 八, 七, 六, 五, 四, 三, 二, 一..... Happy New Year!
開始放煙花, 我用個傻瓜機都影吓啦. 好大煙, 的煙花好多時都比的煙遮著. 呢次煙花比起香港, 好細型. 香港的靚好多, 但係都無所謂, 氣氛好麻.
放完煙花又歸於平靜, 睇吓晚上同日間有咩野分別.
睇完又沿路回房, 聽到的人講, 佢地用咗NT21,000訂今晚房間, 好貴呀! 咁我地訂package, 算平啦.
返到房睇電視, tvbs播緊小豬羅志祥表演, 後面的Dancer同佢影即影即有相, 再飛張相出去比下面的歌迷.....睇吓都幾多人...
睇吓睇吓都好眼瞓....
呢個房間無燈制, 全部要靠呢個有線遙控, 但係好多制都唔可以開洗手間燈, 一係要全off. 晚上去洗手間就好麻煩, 又唔係無線, 要叫醒型爸按燈. 真係唔方便.
好快又過咗一天, 明天要走啦.
沒有留言:
張貼留言