西貢全記海鮮菜館食海鮮為型爸慶生日

2012年1月31日下午1:00公開累積瀏覽 247 0

January 26, 2012, Thursday Night, 年初四, 型爸生日

呢幾日天氣好凍, 天色又唔好, 好彩係新年, 大家都喜氣洋洋.

下午睇完戲食完飯返屋企休息, 凍得制瞓咗一陣, 差的唔願起身.

三個人食海鮮好難叫野食, 邀請埋林老闆一家去, 可以叫多的野食.


西貢全記海鮮菜館

我地先到, 叫咗的小食先, 呢個麻辣鴨舌, 嘩, 好辣呀!

又叫咗沙薑雞腳, 食咗一半佢地就嚟啦.  咁留番幾隻比佢地啦.

天氣好凍, 我要飲湯先, 點知年初四, 咩野燉湯都無, 只有呢個海鮮豆腐湯.  都叫啦, 飲完一碗, 個身都暖哂.

跟著佢地叫海鮮啦....不過今日的菜上得好慢, 唔知係咪好多廚師伙計放假未返呢....

海膽, 好大塊好味, 食完都唔記得影...

 

薑蔥炆鮑魚, 都幾好味喎

蒜蓉粉絲蒸貴妃蚌, 每人一隻, 好味喎.

芝士龍蝦伊麵底, 非常受歡迎

酥炸生蠔, 呢碟唔得啦, 美國筒蠔, 炸起一大嚿粉, 的蠔又無味.

 

椒鹽鮮魷, 幾好味, 食哂先記得影

送咗甜品, 馬豆糕&桂花糕

仲有橙呀!

呢餐都唔平, 除咗龍蝦貴的之外, 其他都唔係貴野.  魚都無叫, 都要三千七百蚊.  唔知係咪年初四所姒貴的呢....不過唔緊要, 最重要型爸開心.  佢開心, 我就開心啦.

Happy Birthday 呀! 型爸...